İnsanlar gündəlik olaraq qaşıq-bıçaqlardan istifadə edirlər və zamanla onlar tutqunlaşa, cızılıb əvvəlki parıltısını itirə bilər.
Demokrat.az "Mirror"a istinadən xəbər verir ki, paslanmayan poladdan və gümüşdən olan qab-qacaq üçün sadə üsulla onların əvvəlki parlaqlığını qaytarmaq mümkündür.
Təmizlik üzrə ekspert və "TikTok" müəllifi Lili (Clean with Lily) bunun üçün sadə ev üsulunu paylaşır. O, qaşıq-bıçaqları yenidən parlaq etmək üçün iki təbii inqrediyentdən istifadə edir.
Onun üsuluna görə, tutqunlaşmış qaşıq-bıçaqlar isti su ilə doldurulmuş qabda və ya əl-üz yuyanda isladılır. Suya bol miqdarda soda (qida sodası), ağ sirkə və bir az qab yuyan maye əlavə edilir. Qarışıq yüngülcə qarışdırılaraq köpük əmələ gətirilir.
Mütəxəssisin sözlərinə görə, bu üsul metal əşyaları yenidən “parlaq” edir.
Qida sodası yumşaq abraziv kimi işləyərək ləkələri və çöküntünü səthi cızmadan təmizləyir. Sirkə isə mineral çöküntüləri və sərt su ləkələrini həll edir. Birlikdə istifadə olunduqda isə kimyəvi reaksiya nəticəsində yaranan qaz qabarcıqları çətin yerlərdəki kiri də çıxarır.
Qab yuyan maye isə yağ və qida qalıqlarını təmizləyərək ümumi təmizliyi tamamlayır.
"Arm & Hammer" şirkətinin məlumatına görə, qida sodasından hazırlanmış sadə pasta da gümüş əşyaların təmizlənməsi üçün effektiv üsuldur. Pasta əşyaya sürtülür və sonra yaxşıca yuyulur, xüsusilə künclərdə qalıqların qalmamasına diqqət edilməlidir.
Jalə Demokrat.az
