Geyim seçimlərimiz sadəcə zövq məsələsi deyil, həm də daxili dünyamızın güzgüsüdür. Psixoloqların apardığı araşdırmalar göstərir ki, qarderobda üstünlük verilən rənglər insanın özünəinam hissi və gizli duyğuları ilə birbaşa bağlıdır. Xüsusilə özünəinamı aşağı olan şəxslər şüuraltı olaraq müəyyən çalarlara yönəlirlər.
Tədqiqatlara görə, özünü cəmiyyətdən gizlətmək və diqqət çəkməmək istəyənlərin ilk seçimi boz rəng olur. Bu neytral rəng tənqid olunmaqdan qorxan və özünü ifadə etməkdə çətinlik çəkən insanlar üçün qoruyucu qalxan rolunu oynayır. Qara rəng isə xaricdən güclü və məğlubedilməz imic yaratsa da, əslində daxili kövrəkliyi gizlətmək cəhdidir. Ekspertlər qara rəngə hədsiz bağlılığı emosional məsafə saxlamaq istəyi ilə əlaqələndirirlər.
Tünd göy rəng çox vaxt ciddi və nəzarətli bir xarakter nümayiş etdirir. Lakin bu rəngi seçənlərin daxilində səhv etmək qorxusu və təhlükəsizlik axtarışı gizlənir. Qəhvəyi tonlar isə sabitlik və riskdən qaçmaq istəyini simvolizə edir. Yeniliklərdən çəkinən və özünü mühafizə olunmuş hiss etmək istəyən şəxslər qarderobda daha çox bu rəngə yer verirlər.
Beləliklə, geyim seçimləri insanın həmin andakı psixoloji vəziyyətini və özünə olan münasibətini büruzə verir.
Aytən Demokrat.az
