Sağlamlığımıza əhəmiyyətli təsir göstərən kişmiş quru qoz-fındıqların yanında əlavə məhsul kimi tanınır. Ancaq mütəxəssislər sağlam bədən üçün qidanın uzun müddət çeynəməklə istehlak edilməsinin lazım olduğunu bildirirlər. Bu qidalardan biri də kişmişdir. O, təkcə desertlər üçün əvəzolunmaz deyil, həm də sağlamlıq üçün təsirlidir.
Demokrat.az kişmişin faydalarını təqdim edir:
1. Kiçik, lakin güclü qida qaynaqlarından biri olan kişmişi ağızda 5 dəqiqə çeynəməklə yeməyin faydalarını bilirsinizmi? Bu sadə, lakin təsirli vərdişin orqanizm üçün faydalarını təqdim edirik.
2. Qidaları uzun müddət çeynəmək tüpürcək istehsalını artıraraq ağızdakı turşu səviyyəsini tarazlaşdırır. Diş çürüməsinə və digər diş xəstəliklərinə qarşı qoruyucu qalxandır. Eyni zamanda ağızdakı qida qalıqlarını da təmizləyəcək.
3.Tərkibində təbii şəkər olan kişmiş orqanizminizi sürətli enerji ilə təmin edir. Əsas enerji vahidi olan kaloriləri də artıran şəkərlər fiziki fəaliyyət tələb edən vəziyyətlərdə xüsusilə təsirlidir. İdman edərkən və ya uzun saatlar işləyərkən ağzınıza kişmiş ata bilərsiniz.
4. Uzun müddət ağzınızda kişmiş çeynədikdə həzmdə mexaniki parçalanma prosesini aktivləşdirəcəksiniz. Bu, yeməyi daha kiçik hissələrə bölməyə imkan verəcəkdir. Həzm asanlığı yaradan bu vərdiş qəbizlik problemlərini aradan qaldıracaq. Kişmişi 5 dəqiqə çeynəyin və təsirini görəcəksiniz.
5. Kişmişin tərkibindəki antioksidantlar dərinizin daha sağlam və gənc görünməsinə kömək edir, qırışların və dəri ləkələrinin əmələ gəlməsini gecikdirə bilər. Üzüm və buna bənzər qidalar yediyiniz zaman dəriniz daha parlaq və canlı görünə bilər.
6. Eyni zamanda, dəmir çatışmazlığı səbəbindən tez-tez yorğunluq hiss edirsinizsə, kişmiş sizə təbii bir həll təklif edə bilər. Dəmir qan istehsalını dəstəkləyir və bədəninizin oksigen daşıma qabiliyyətini artırır.
7. Kişmiş şəkər ehtiyacınızı qarşılayan əla alternativdir. Pəhriz saxlayanlara kömək edən şirin istəklərə təbii və aşağı kalorili bir həll təklif edir.
8. Üzümün tərkibində olan kalsium və bor mineralları sümük sağlamlığı üçün çox dəyərlidir. Kalsium sümük sıxlığını artırır və osteoporoz riskini azaldır. Borun buradakı təsiri D vitaminini dəstəkləməkdir.
9. Postmenopozal qadınlarda bəzi hormonal dəyişikliklər sümük mineral sıxlığının azalmasına səbəb ola bilər. Buna görə də kişmiş əlavəsi orqanizmin gücünü artırır. Təbii əlavə olaraq kişmiş istehlak edə bilərsiniz.
Mehriban Mirzəzadə Demokrat.az
