Yaponiyanın "Tan Tan" adlı ən yaşlı pandası 28 yaşında ölüb.
Demokrat.az xəbər verir ki, bu barədə “NHK” dövlət televiziyası məlumat yayıb.
Məlumatda, pandanın ürəyinin dayanması nəticəsində öldüyü açıqlanıb.
Kobe şəhərindəki Oji zooparkının rəsmiləri pandanın 1995-ci ildə Çinin Çiçuan bölgəsində doğulduğunu bildirib.
“Tan Tan" 2000-ci ildə, "Kobe zəlzələsi" kimi tanınan Böyük Hanşin zəlzələsindən sonra icarə müqaviləsi ilə şəhərə gətirilib.
Bildirilib ki, pandanı şəhərə gətirməkdə məqsəd təbii fəlakətdə zərər çəkən şəhər sakinlərinə təsəlli vermək olub.
Aysu Demokrat.az
