Əfqanıstanın paytaxtı Kabilin şərqində bombalı hücum nəticəsində ən azı 3 nəfər həyatını itirib.
Demokrat.az xəbər verir ki, bu barədə Kabil Polis İdarəsinin sözçüsü Xalid Zadran mətbuata açıqlama verib.
O bildirib ki, Kabilin şərqindəki Aloxayl bölgəsində sərnişin avtomobilinə yerləşdirilən maqnit bombasının partlaması nəticəsində ən azı 3 nəfər ölüb, 4 nəfər yaralanıb.
Təhlükəsizlik qüvvələrinin bölgəyə gəldiyini bildirən Zadran, hadisə ilə bağlı bir şübhəlinin saxlanıldığını qeyd edib.
Qeyd edək ki, hələlik heç kim hücuma görə məsuliyyəti üzərinə götürməyib.
Aysu Demokrat.az
