DİN blogerlər üçün narkotik əleyhinə müsabiqə elan etdi — ŞƏRTLƏR

SOSİAL 15 iyl 2021, 23:08
Daxili İşlər Nazirliyinin Baş Narkotiklərlə Mübarizə İdarəsi və mətbuat xidməti anti-narkotik təbliğatının gücləndirilməsi məqsədilə bloggerlər arasında müsabiqə elan edib.

Demokrat.az
xəbər verir ki, DİN bununla bağlı müsabiqənin şərtlərini açıqlayıb. Müsabiqələrin mövzuları və keçirilmə qaydaları:

1.Narkotik vasitələrin və psixotrop maddələrin insan üçün heç bir faydası yoxdur;
2.Narkotik vasitələr və psixotrop maddələr insan sağlamlığını və psixologiyasını məhv edir;
3.Narkotik vasitələr və psixotrop maddələr stressi azaltmır, problemləri həll etmir;
4.Narkotik vasitələr və psixotrop maddələr istifadəçilərin həyatını məhv edir;
5.Narkotik vasitələr və psixotrop maddələr ailələrin dağılmasına, sonsuzluğa və digər ağır fəsadlara səbəb olur.
6.Narkotik vasitələrin qanunsuz dövriyyəsində polis əməkdaşlarının qətiyyətli mübarizəsi;
7.Narkomanlıq bir şəxsin yox, bir ailənin faciəsidir.

Müsabiqə “Ən yaxşı qısametrajlı film”, “Ən yaxşı foto” və “Ən yaxşı mahnı (rep)” nominasiyaları üzrə keçirilir.

Təqdim olunan film, foto və mahnıya qoyulan tələblər:

1.Müsabiqədə hər müəllif yalnız bir nominasiya üzrə iştirak edə bilər.
2.Təqdim olunan materiallar müəyyən edilmiş mövzular üzrə olmalıdır.
3.Müsabiqə üçün hazırlanmış materiallar Daxili İşlər Nazirliyinin Mətbuat Xidmətində yaradılmış Xüsusi Komissiyaya təqdim olunmalıdır.

Materialların qəbul qaydaları:

– Hazırlanmış material şəxsin sosial şəbəkə səhifəsində paylaşılmalı;
– Daxili İşlər nazirliyinin və Baş Narkotiklərlə Mübarizə İdarəsinin sosial şəbəkələrdəki səhifələri “tag” edilməli və müəllif tərəfindəm izlənilməli;
– #narkotikəyoxdeyək #narkotikləmübarizədəpolisədəstəkolaq #narkotikmüsabiqə həştəqləri ilə birlikdə paylaşılmalı;
Qiymətləndirmə meyarları:

Materiallar 10 ballıq sistem üzrə qiymətləndirilir, maksimum 50 bal müəyyən olunur. Qiymətləndirilmədə video və fotoya baxış sayı da nəzərə alınacaq.
Müsabiqəyə təqdim olunmuş materialların mükafatlandırılması;
Hər istiqamət üzrə 3 qalib müəyyən edilir:

I yer – 1000 AZN
II yer – 500 AZN
III yer – 300 AZN

Ünvan: Bakı şəhəri, Azərbaycan prospekti 7
Əlaqə telefonları: (012) 590 98 44, (012) 590 99 07
Elektron ünvan: [email protected]

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top