Respublika Neyrocərrahiyyə Xəstəxanasındakı yanğın söndürüldü — YENİLƏNİB/VİDEO


HADİSƏ 07 iyl 2021, 18:37
Bu gün saat 17:43-də Fövqəladə Hallar Nazirliyinin (FHN) “112” qaynar telefon xəttinə Bakı şəhərinin Xətai rayonunda yerləşən Respublika Neyrocərrahiyyə Xəstəxanasının həyətyanı ərazisində yanğın olması barədə məlumat daxil olub.

Demokrat.az xəbər verir ki, FHN bununla bağlı məlumat yayıb.

Bildirilib ki, məlumat daxil olduqdan dərhal sonra FHN-nin Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb olunub.

Yanğınsöndürənlərin çevik müdaxiləsi nəticəsində yanğının genişlənməsinin qarşısı alınıb, yanğın saat 17:52-də söndürülüb.

İlkin məlumata əsasən, xəstəxananın həyətyanı ərazisində karton və taxta tullantıları təqribən 10 kv.m sahədə yanıb. Xəstəxana binası yanğından mühafizə olunub.

17:58
Bakıda yerləşən Respublika Neyrocərrahiyyə Xəstəxanasının binasında yanğın başlayıb. 


Bununla bağlı Oxu.Az-ın redaksiyasına görüntülər göndərilib. 

Həmin görüntüləri təqdim edirik:
 

 


DİGƏR XƏBƏRLƏR

XƏBƏR LENTİ
23 iyl 2021, 19:28
Top