Jirinovski: “Belarus 6 quberniyadan ibarət Rusiyanın bir hissəsi olmalıdır”

DÜNYA 04 mar 2021, 00:38
Belarus 6 quberniyadan ibarət Rusiya Federasiyasının bir hissəsi olmalıdır. 

Bu barədə Rusiya Liberal-Demokrat Partiyasının (RLDP) lideri Vladimir Jirinovski bəyan edib.

«Mən, Belarusun yalnız 6 quberniyadan ibarət Rusiyanın tərkibinə daxil olmasına baxıram, o zaman hər şey həll olunacaq. Mədəniyyət, dil məsələlərinin hamısı saxlanır. İqtisadiyyat inkişaf edəcək, daxili qiymətlər Rusiyanınkı olacaq, Belarusun bütün məsələləri həll olunacaq. Əgər bundan sonra da iki stolda oturası olsalar, bu, çox davam etməyəcək. Siz, rus çörəyi yeyib, Rusiya nefti və qazı içirsiniz, amma heç yerdə bizimlə həmrəylik nümayiş etdirmirsiniz» - Jirinovski «Bizim evimiz» Belarus təşkilatının başçısı Olqa Karaçla onlayn-söhbət zamanı bildirib.

Xatırladaq ki, Vladimir Jirinovski dəfələrlə bəyan edib ki, onun fikrincə, Belarusu Rusiyanın tərkibinə qatmaq qaçılmazdır. Bu zaman o, Aleksandr Lukaşenkonun siyasətini uğursuz hesab edir və onun tezliklə istefasından xəbər verir.

«Aleksandr Lukaşenko gedəcək. Hətta Belarusun ali məmurları da ondan yorulublar. Baxın, onun 4 saatlıq çıxışı zamanı məmurlar necə kədərli sifətlə otururlar» - rusiyalı siyasətçi özünün Tvitterdəki bloqunda yazıb.

Jirinovski Lukaşenkonun şüarları barədə deyib: «İnkişaf və müstəqillik onun şüarlarıdır. Kimdən müstəqillik? Rusiyadan? O zaman bizim maddi dəstəyimizdən imtina edin» .

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top