Haitidə həbsxanadan 200 məhbus qaçdı — 25 nəfər öldü


DÜNYA 28 fev 2021, 00:35
Hiaitidə Kroiks-des-Buquts həbsxanasında məhkumların qaçmaq məqsədi ilə etdikləri qiyam nəticəsində 6-sı məhbus olmaqla 25 nəfər ölüb.

“Report” “TRTHaber”ə istinadən xəbər verir ki, 200-dən çox məhbus həbsxanadan qaçıb.

Bildirilib ki, Haitinin paytaxtı Port-o-Prens şəhəri yaxınlığındakı Kroiks-des-Buquts həbsxanasından qaçan məhbuslar polislə atışıb.

Rəsmilərin sözlərinə görə, məhbuslar qaçarkən vətəndaşlara hücum ediblər. Bu hücumlar nəticəsində bir neçə dinc sakinin öldüyü də bildirilib. Başqa bir məlumata əsasən, qaçanlardan biri Haitidəki silahlı dəstələrdən birinin başçısıdır.

Kroiks-des-Buquts həbsxanası fevralın 7-də prezident Jovenel Moizin hakimiyyətini devirməkdə ittiham olunan müxalifət üzvlərinin saxlanıldığı simvolik yerlərdən biridir.

Demokrat.az
Loading...


DİGƏR XƏBƏRLƏR

XƏBƏR LENTİ
Top