Könül Nurullayeva Prezident təqaüdçüsü olan gənclərlə görüşdü — FOTOLAR


SOSİAL 02 fev 2021, 12:50
Milli Məclisin deputatı Könül Nurullayeva 2 fevral Gənclər günü münasibəti ilə Bakı şəhəri Nizami rayonundan olan Prezident təqaüdçüləri ilə görüş keçirib.

Demokrat.az xəbər verir ki, görüş zamanı istedadlı gəncləri daha yaxından tanımaq imkanı yaranıb. Görüşdə həmçinin 44 günlük Vətən Müharibəsində vətənpərvər gənclərimizin qəhrəmanlığından da danışılıb.

Müasir gənclərimizin vətənpərvərlik ruhunda yetişməsi, ərazi bütövlüyümüz uğrunda gənclərimizin tərəddüd etmədən canlarından keçməsi hər birimiz üçün nümunə, eyni zamanda bütövlükdə cəmiyyətimizin və dövlətimizin uğuru kimi qiymətləndirilib.

İstedadlı kadrların yetişməsində keyfiyyətli təhsilin, mükəmməl biliklərə yiyələnməyin əhəmiyyətini vurğulayan K.Nurullayeva zəhmətkeşlik və güclü iradə tələb edən bu yolda gənclərimizin yorulmadan, şərəflə çalışmalarını yüksək qiymətləndirib.

“Nizami rayonundan olan gənclərimizin fonunda bütün Azərbaycan gəncliyini özəl gün münasibətilə bir daha təbrik edir, dünyanın dörd bir yanında Vətənimizin başını daim uca tutacaqlarına, vətənpərvər və mərd bir şəxsiyyət, peşəkar bir kadr kimi yetişəcəklərinə inanıram”, - K.Nurullayeva bildirib.

Görüşün sonunda istedadlı gənclərə hədiyyələr təqdim olunub.




Loading...


DİGƏR XƏBƏRLƏR

XƏBƏR LENTİ
Top