Monteneqronun dövlət başçısı Prezident İlham Əliyevi təbrik etdi


XARİCİ SİYASƏT 25 dek 2020, 20:25

Monteneqronun Prezidenti Milo Cukanoviç Azərbaycan Respublikasının Prezidenti İlham Əliyevə təbrik məktubu ünvanlayıb.

Demokrat.az-ın məlumatına görə, mətndə deyilir:

"Hörmətli cənab Prezident.

Doğum gününüz münasibətilə Sizi səmimi qəlbdən təbrik edir, Zati-alinizə möhkəm cansağlığı, xoşbəxtlik və ailə səadəti, ali dövləti fəaliyyətinizdə uğurlar arzulayıram.

Pandemiya ilə bağlı hazırda yaşadığımız çətin dönəmə baxmayaraq, ölkələrimiz həmrəylik nümayiş etdirir, Monteneqro və Azərbaycan arasındakı əməkdaşlıq əlaqələrinin və sıx münasibətlərin davamlı inkişafına töhfə verməkdə davam edirlər.

Sizinlə yaxın gələcəkdə görüşməyimizi səbirsizliklə gözləyirəm və dost Azərbaycana inkişaf arzulayıram.

Sizə olan ən yüksək ehtiramımı qəbul etməyinizi xahiş edirəm".


DİGƏR XƏBƏRLƏR

XƏBƏR LENTİ
Top