“Gəlib, hamısının başını kəsəcəyik – Nikolun da, arvadının da…” — Araikin ŞOK SƏSYAZISI YAYILDI

QARABAĞ 12 dek 2020, 15:35
İnternetdə Dağlıq Qarabağdakı qondarma rejimin başçısı Araik Arutunyan və komandir Ruslan İsrailyanın telefon danışığının audioyazısı yayılıb.

İsrailyan Ermənistan KİV-lərinə verdiyi müsahibədə səs yazısının mətbuata sızdığına görə təəssüfünü ifadə edərək, həqiqiliyini təsdiqləyib.

Danışığın məzmunu belə olub:

-Ruslan: İstənilən halda bunu televiziyada deməməliydim.

-Araik: Əksinə! Qoy onlar bilsinlər, ağıllansınlar və bir neçə saat ərzində müharibəni dayandırsınlar. Bəsdir bu dövlətin kələkbazlıqları. Gözləyək ki, Stepanakerti (Xankəndini nəzərdə tutur-red.) götürsünlər?

Ruslan: Ara, əgər onlar oradan sənə mane olurlarsa, biz gedib onlarla haqq-hesab çəkək, məsələni həll edək. Onlar da Qarabağ istəyirsə, gedək hamısının başını kəsək.

Ruslan: Onlara izah edin. İzah edin ki, biz ora gəlsək hamısının başını kəsəcəyik – Nikolun, arvadının, hamısının.

Araik: Bu gün mən ona dedim ki, mənə adamlar ver, Stepanakerti müdafiə edim.

Ruslan: O, adamları verir?

Araik: Tamamilə 26 mənasızı.

Ruslan: Onik nə deyir? (Ermənistan SQ-nin baş qərargah rəisi Onik Qasparyanı nəzərdə tutur-red.)

Araik: (26 ilə bağlı davam etdirir) Bu gün öndən vurub arxadan çıxa bilirlər. (Oniklə bağlı cavab verir) Nə?

Ruslan: 26-da bizim adamlar var?

Araik: Bizim orada 42 nəfərimiz var. 42 nəfərlə necə müqavimət göstərə bilərsən? Biabırçı vəziyyətdir.

Ruslan: Əsas artilleriyadır. Onların haradan gəldiklərini öyrənib başını qatmaq olar. Piyada ilə müdafiə olunmaq çətindir.

Araik: Onlar artıq Şuşaya çatıblar. Artilleriyanı harada istifadə edəcəyik? Döyüşərək Şuşaya çatdılar.

Ruslan: Mən dünən zəng etdim, dedim bir kalon qalxır, Zarıslı tərəfə döndülər, birbaşa Şuşaya qalxdılar. Amma hamı susur, heç kim heç nə etmir.

Araik: Ara, mən artıq 40 dəfə demişəm, yoxdur, qurtardı. Heç nə yoxdur, hər şey bitdi.

Araik: Mən nə edə bilərm. Artilleriya yox, heç nə yox. Mən nə etməliyəm? Qoy özləri Stepanakertə getsinlər və desinlər ki, nə üçün deməmisiniz? Biz hamımız həyəcanlıyıq, bütün millət həyəcanlıdır.

Kimsə kənardan: Ara yazma, denən yazmasın. Belə şeyləri yazmaq olmaz.

Ruslan: Qısası, görsən kimsə sənə mane olur, mənə xəbər ver.

Araik: Mən sənə sonra yenə zəng edəcəm.

Ruslan: Mən yuxarıdayam, yaxşı.

Araik: Oldu, mütləq deyəcəm. Hələlik.

Ruslan: Hələlik.


(Mənbə: Cebhe.info)

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
28 mar 2024, 17:53
Top