“Mən qələbə xəbərini eşidəndən sonra düşündüm ki, mütləq Prezidentə bunu yazmalıyam. Minnətdarlıq etməliyəm ki, o, mənim həyat yoldaşımın, mənim kimi həyat yoldaşını itirən qadınların qisasını aldı”.
“Qafqazinfo” xəbər verir ki, bunu AzTV-yə müsahibəsində sentyabrın 27-də şəhid olan kapitan Ceyhun Həsənovun həyat yoldaşı, 2 oğul anası Rəvanə Həsənova bildirib.
O, Prezidentə məktubunda bütün Azərbaycan xalqının belə qəhrəman oğullardan xəbər tutmasını istədiyini dilə gətirib: “İstəyirəm gələcəkdə övladlarım da bilsin ki, ataları necə qəhrəman olub. Tək övladlarım yox, bütün Azərbaycan bilsin. Prezidentimiz bilsin ki, onun əmrində olan necə zabitlər var”.
