"Sabit tariflərin tətbiqi əhali üçün ciddi maliyyə yükü yaratmır. Çünki aylıq maksimum 1 manatlıq limit nəzərdə tutulur. Bu da istehlak etsəniz də, etməsəniz də bütün vətəndaşlara şamil edilən sabit tarif sistemidir".
Bunu Demokrat.az-a açıqlamasında iqtisadçı ekspert Razi Abasbəyli deyib.
O, bildirib ki, hazırda limitin ləğvi ilə bağlı rəsmi açıqlama yoxdur:
"Lakin ehtimal olunur ki, sabit tariflərin aşağı məbləğdə tətbiqi müəyyən xərclərin şəffaflaşdırılmasına, həm də onların daimi xarakter almasına səbəb olacaq. Bu isə əsasən infrastrukturun gücləndirilməsinə yönələn xərclərlə bağlıdır. Buna görə də yaxın gələcəkdə yeni sabit tarif paketlərinin təklif ediləcəyi və limitin ləğv olunacağı gözlənilir".
Ekspertin sözlərinə görə, dünyanın bir çox inkişaf etmiş ölkələrində də bu təcrübə mövcuddur:
"Orada aylıq sabit tariflə yanaşı, 3 aylıq, 6 aylıq və illik sabit tarif paketləri də mövcuddur:
"Bu paketlər əsasında limitsiz elektrik enerjisi, qaz və sudan istifadə etmək mümkündür. Azərbaycanda isə hazırda bu təcrübənin ilkin mərhələsi tətbiq olunur – hər bir abonent üçün aylıq 1 manat sabit tarif müəyyən edilib".
Onun sözlərinə görə, bu məbləğ aşağı gəlirli sosial qruplar üçün müəyyən çətinliklər yarada bilər:
"Çünki istifadə olunub-olunmamasından asılı olmayaraq, hər ay əlavə 1 manat, ildə isə 12 manat ödəniş tələb olunur. Lakin bu, böyük bir məbləğ sayılmır. Gözlənilir ki, növbəti mərhələdə qaz və elektrik enerjisinə tətbiq edilən limitlər tamamilə ləğv olunsun".
Ekspert bildirib ki, ümumilikdə, Azərbaycan hökumətinin sabit tarif siyasətini mərhələli şəkildə davam etdirəcəyi, sonrakı dövrlərdə sabit tariflərin yeni məbləğini müəyyən edəcəyi və bununla bağlı qanun qəbul ediləcəyi proqnozlaşdırılır.
Əfsanə Kamal
Demokrat.az
Bunu Demokrat.az-a açıqlamasında iqtisadçı ekspert Razi Abasbəyli deyib.
O, bildirib ki, hazırda limitin ləğvi ilə bağlı rəsmi açıqlama yoxdur:
"Lakin ehtimal olunur ki, sabit tariflərin aşağı məbləğdə tətbiqi müəyyən xərclərin şəffaflaşdırılmasına, həm də onların daimi xarakter almasına səbəb olacaq. Bu isə əsasən infrastrukturun gücləndirilməsinə yönələn xərclərlə bağlıdır. Buna görə də yaxın gələcəkdə yeni sabit tarif paketlərinin təklif ediləcəyi və limitin ləğv olunacağı gözlənilir".
Ekspertin sözlərinə görə, dünyanın bir çox inkişaf etmiş ölkələrində də bu təcrübə mövcuddur:
"Orada aylıq sabit tariflə yanaşı, 3 aylıq, 6 aylıq və illik sabit tarif paketləri də mövcuddur:
"Bu paketlər əsasında limitsiz elektrik enerjisi, qaz və sudan istifadə etmək mümkündür. Azərbaycanda isə hazırda bu təcrübənin ilkin mərhələsi tətbiq olunur – hər bir abonent üçün aylıq 1 manat sabit tarif müəyyən edilib".
Onun sözlərinə görə, bu məbləğ aşağı gəlirli sosial qruplar üçün müəyyən çətinliklər yarada bilər:
"Çünki istifadə olunub-olunmamasından asılı olmayaraq, hər ay əlavə 1 manat, ildə isə 12 manat ödəniş tələb olunur. Lakin bu, böyük bir məbləğ sayılmır. Gözlənilir ki, növbəti mərhələdə qaz və elektrik enerjisinə tətbiq edilən limitlər tamamilə ləğv olunsun".
Ekspert bildirib ki, ümumilikdə, Azərbaycan hökumətinin sabit tarif siyasətini mərhələli şəkildə davam etdirəcəyi, sonrakı dövrlərdə sabit tariflərin yeni məbləğini müəyyən edəcəyi və bununla bağlı qanun qəbul ediləcəyi proqnozlaşdırılır.
Əfsanə Kamal
Demokrat.az
