“Abortların yüksək olması təkcə tibbi məsələ deyil, həm də ciddi sosial problemdir”.
Bunu Demokrat.az-a sosioloq Sevinc Qasımova bildirib.
O deyib ki, bu statistikanın arxasında cəmiyyətin ailə və qadına münasibəti dayanır:
“Azərbaycanda hələ də ailə planlaması, reproduktiv sağlamlıq və qorunma üsulları barədə açıq danışmaq tabu sayılır. Bu səbəbdən gənclər düzgün maarifləndirilmədiyindən istənilməyən hamiləliklər artır. İkinci mühüm məsələ qadının qərarvermə azadlığı ilə bağlıdır. Bir çox hallarda qadın ailə və ya həyat yoldaşının təzyiqi ilə abort qərarı verir. Bu, qadının sosial statusunun zəif olduğunu göstərən göstəricilərdən biridir. Digər səbəb isə iqtisadi şərtlərlə bağlıdır. Ailələrin bir qismi maddi imkanlarının azlığı səbəbindən övlad sahibi olmağa hazır olmadığını düşünür. Bu, xüsusilə gənc ailələrdə daha çox müşahidə olunur. Mühüm faktor biri mentalitet və ənənəvi dəyərlərdir. Bəzi ailələrdə oğlan övladına üstünlük verildiyi üçün cins seçiminə görə abort halları baş verir. Bu isə cəmiyyətdə gender bərabərsizliyinin hələ də ciddi problem olduğunu sübut edir. Eyni zamanda, təhsil və maarifləndirmə boşluğu böyük rol oynayır. Məktəblərdə və ictimai müzakirələrdə reproduktiv sağlamlıq mövzusu kifayət qədər yer almır”.
Leyla Turan
Demokrat.az
Bunu Demokrat.az-a sosioloq Sevinc Qasımova bildirib.
O deyib ki, bu statistikanın arxasında cəmiyyətin ailə və qadına münasibəti dayanır:
“Azərbaycanda hələ də ailə planlaması, reproduktiv sağlamlıq və qorunma üsulları barədə açıq danışmaq tabu sayılır. Bu səbəbdən gənclər düzgün maarifləndirilmədiyindən istənilməyən hamiləliklər artır. İkinci mühüm məsələ qadının qərarvermə azadlığı ilə bağlıdır. Bir çox hallarda qadın ailə və ya həyat yoldaşının təzyiqi ilə abort qərarı verir. Bu, qadının sosial statusunun zəif olduğunu göstərən göstəricilərdən biridir. Digər səbəb isə iqtisadi şərtlərlə bağlıdır. Ailələrin bir qismi maddi imkanlarının azlığı səbəbindən övlad sahibi olmağa hazır olmadığını düşünür. Bu, xüsusilə gənc ailələrdə daha çox müşahidə olunur. Mühüm faktor biri mentalitet və ənənəvi dəyərlərdir. Bəzi ailələrdə oğlan övladına üstünlük verildiyi üçün cins seçiminə görə abort halları baş verir. Bu isə cəmiyyətdə gender bərabərsizliyinin hələ də ciddi problem olduğunu sübut edir. Eyni zamanda, təhsil və maarifləndirmə boşluğu böyük rol oynayır. Məktəblərdə və ictimai müzakirələrdə reproduktiv sağlamlıq mövzusu kifayət qədər yer almır”.
Leyla Turan
Demokrat.az
