“ATƏT-in Minsk qrupunun formal olaraq qalması o demək idi ki, bu məsələ beynəlxalq gündəlikdə hələ də mövcuddur. Azərbaycan məsələni gündəmə gətirməklə və Minsk qrupunun ləğvinə nail olmaqla, onu beynəlxalq gündəlikdən silib çıxarır”.
Bu barədə 525.az-a Milli Məclisin deputatı Rasim Musabəyov deyib.
Deputat Minsk qrupunun ləğvi ilə bağlı müsbət qərarın qəbul ediləcəyini gözləyir:
“Düşünmürəm ki, kimsə bunun qarşısını ala bilsin. Əgər tərəflər bunun lehinədirlərsə, razılığa gəliblərsə, kim və hansı əsasla buna qarşı gedə bilər? Hansısa səbəb göstərilirsə, onu əsaslandırmaq lazımdır. Burada isə əsaslandırılacaq nəsə qalmayıb. Tərəflər bunu istəyirlər. Kim deyəcək ki, yox, bunu saxlamaq lazımdır. Hər bir halda Azərbaycan, ümumiyyətlə bütün qərarlara veto qoya bilər və hər hansı qərarın qəbulunun qarşısını ala bilər. Ona görə də düşünmürəm ki, kimsə buna getsin”.
R.Musabəyov hesab edir ki, Minsk qrupu tarixdə “diplomatik turizm” fəaliyyətini icra edən struktur kimi qalacaq:
“Bu təsisatın münaqişənin nizamlanmasında heç bir faydası olmayıb. Məsələnin həlli ilə yox, prosesi dondurmaqla məşğul idilər. Təki müharibə olmasın, vəziyyəti olduğu kimi saxlasınlar”.
Qeyd edək ki, Azərbaycan və Ermənistanın müraciəti əsasında Minsk prosesi və ona bağlı strukturların ləğvi prosesi başladılıb. ATƏT Nazirlər Şurasının məsələ ilə bağlı 1 sentyabrda qərar qəbul edəcəyi gözlənilir.
Bu barədə 525.az-a Milli Məclisin deputatı Rasim Musabəyov deyib.
Deputat Minsk qrupunun ləğvi ilə bağlı müsbət qərarın qəbul ediləcəyini gözləyir:
“Düşünmürəm ki, kimsə bunun qarşısını ala bilsin. Əgər tərəflər bunun lehinədirlərsə, razılığa gəliblərsə, kim və hansı əsasla buna qarşı gedə bilər? Hansısa səbəb göstərilirsə, onu əsaslandırmaq lazımdır. Burada isə əsaslandırılacaq nəsə qalmayıb. Tərəflər bunu istəyirlər. Kim deyəcək ki, yox, bunu saxlamaq lazımdır. Hər bir halda Azərbaycan, ümumiyyətlə bütün qərarlara veto qoya bilər və hər hansı qərarın qəbulunun qarşısını ala bilər. Ona görə də düşünmürəm ki, kimsə buna getsin”.
R.Musabəyov hesab edir ki, Minsk qrupu tarixdə “diplomatik turizm” fəaliyyətini icra edən struktur kimi qalacaq:
“Bu təsisatın münaqişənin nizamlanmasında heç bir faydası olmayıb. Məsələnin həlli ilə yox, prosesi dondurmaqla məşğul idilər. Təki müharibə olmasın, vəziyyəti olduğu kimi saxlasınlar”.
Qeyd edək ki, Azərbaycan və Ermənistanın müraciəti əsasında Minsk prosesi və ona bağlı strukturların ləğvi prosesi başladılıb. ATƏT Nazirlər Şurasının məsələ ilə bağlı 1 sentyabrda qərar qəbul edəcəyi gözlənilir.
