“Rusiyanın Azərbaycana qarşı nümayiş etdirdiyi aqressiv mövqe mühüm rol oynayır. SOCAR-ın Ukraynadakı neft terminallarının və ona məxsus digər obyektlərin hədəf alınması, eyni zamanda Azərbaycan səfirliyinə edilən hücum, Rusiyanın Azərbaycana qarşı mənfi münasibətinin açıq təzahürüdür”.
Bu sözləri Demokrat.az-a açıqlmasında politoloq Zeynal Əmrəliyev deyib.
O bildirib ki Bu, şübhəsiz ki, Azərbaycan-Rusiya münasibətlərinin normallaşmasına ciddi maneələr yaradır:
“Azərbaycan hər zaman bütün qonşu dövlətlərlə, o cümlədən Rusiya ilə qarşılıqlı hörmətə və mehriban qonşuluğa əsaslanan münasibətlərin tərəfdarı olub. Lakin təəssüf ki, bəzi dövlətlər, xüsusilə də Rusiya, bu məsələdə qərəzli və destruktiv mövqe nümayiş etdirir. Məhz bu cür aqressiya bölgədə təhlükəsizliyin pozulmasına və diplomatik münasibətlərin gərginləşməsinə səbəb olur. Rusiyanın Ukraynaya qarşı həyata keçirdiyi davamlı bombardmanlar və bu ölkə ilə danışıqlardan imtina etməsi də diqqət çəkir. Xarici işlər naziri Sergey Lavrovun verdiyi açıqlamada Putinlə Zelenski arasında görüşün olmayacağı bildirildi. Ukrayna rəhbərliyinə qarşı səsləndirilən sərt ittihamlar isə bir daha göstərir ki, Moskva sülh danışıqlarına hazır deyil və münaqişənin həllində maraqlı görünmür”.
Politoloq diqqətə çatdırıb ki, bu, təəssüf doğuran bir faktdır və müharibənin daha da uzanmasına xidmət edir:
“Avropa ölkələrinin, o cümlədən Almaniyanın bu prosesə diplomatik töhfə vermək cəhdləri müşahidə olunsa da, Rusiya tərəfinin sərt mövqeyi vəziyyəti daha da çətinləşdirir. Bütün bunlarla yanaşı, Azərbaycana qarşı atılan bu addımlar, iki ölkə arasında indiyə qədər formalaşmış qarşılıqlı etimada ciddi zərbə vurur. Halbuki Azərbaycan uzun müddət Rusiya üçün etibarlı tərəfdaş olub, iki ölkə arasında çoxşaxəli əməkdaşlıq əlaqələri mövcud idi. Rusiya tərəfinin atdığı bu addımlar isə həmin münasibətlərə dərin zərər verir və bu prosesdən ən çox itirən tərəf məhz Rusiya olacaq”.
Leyla Turan
Demokrat.az
Bu sözləri Demokrat.az-a açıqlmasında politoloq Zeynal Əmrəliyev deyib.
O bildirib ki Bu, şübhəsiz ki, Azərbaycan-Rusiya münasibətlərinin normallaşmasına ciddi maneələr yaradır:
“Azərbaycan hər zaman bütün qonşu dövlətlərlə, o cümlədən Rusiya ilə qarşılıqlı hörmətə və mehriban qonşuluğa əsaslanan münasibətlərin tərəfdarı olub. Lakin təəssüf ki, bəzi dövlətlər, xüsusilə də Rusiya, bu məsələdə qərəzli və destruktiv mövqe nümayiş etdirir. Məhz bu cür aqressiya bölgədə təhlükəsizliyin pozulmasına və diplomatik münasibətlərin gərginləşməsinə səbəb olur. Rusiyanın Ukraynaya qarşı həyata keçirdiyi davamlı bombardmanlar və bu ölkə ilə danışıqlardan imtina etməsi də diqqət çəkir. Xarici işlər naziri Sergey Lavrovun verdiyi açıqlamada Putinlə Zelenski arasında görüşün olmayacağı bildirildi. Ukrayna rəhbərliyinə qarşı səsləndirilən sərt ittihamlar isə bir daha göstərir ki, Moskva sülh danışıqlarına hazır deyil və münaqişənin həllində maraqlı görünmür”.
Politoloq diqqətə çatdırıb ki, bu, təəssüf doğuran bir faktdır və müharibənin daha da uzanmasına xidmət edir:
“Avropa ölkələrinin, o cümlədən Almaniyanın bu prosesə diplomatik töhfə vermək cəhdləri müşahidə olunsa da, Rusiya tərəfinin sərt mövqeyi vəziyyəti daha da çətinləşdirir. Bütün bunlarla yanaşı, Azərbaycana qarşı atılan bu addımlar, iki ölkə arasında indiyə qədər formalaşmış qarşılıqlı etimada ciddi zərbə vurur. Halbuki Azərbaycan uzun müddət Rusiya üçün etibarlı tərəfdaş olub, iki ölkə arasında çoxşaxəli əməkdaşlıq əlaqələri mövcud idi. Rusiya tərəfinin atdığı bu addımlar isə həmin münasibətlərə dərin zərər verir və bu prosesdən ən çox itirən tərəf məhz Rusiya olacaq”.
Leyla Turan
Demokrat.az
