"Ailələr uşaq qızdıran kimi dərhal onu salmağa çalışırlar. Halbuki qızdırma zamanı bədəndə o qədər dəyərli immun antitellər, interferonlar hazırlanır ki, bu, bir növ dərman və müalicəvi vasitə kimi qəbul edilə bilər".
Bu sözləri Demokrat.az-a açıqlamasında tanınmış pediatr Günay Rəsulova deyib.
"Qızdırmanı dərhal 36°C-yə endirməyə çalışmaq düzgün deyil. Əgər temperatur 38,5°C-ə qalxıbsa və uşaq narahatdırsa, o zaman dərman vermək olar. Amma məsələn, bir saat keçib hələ də 37,5°C-dirsə və əlavə narahatlıq yoxdursa, dərman vermək düzgün deyil. Bu yanlışdır. Yəni 37,5–38°C aralığında uşaq çox süst, halsız deyilsə, müdaxilə etməyə ehtiyac yoxdur".
Pediatr deyib ki, mümkün qədər bədəni bu temperaturlarda saxlamaq lazımdır ki, immun antitellər yaransın:
"Sizin verdiyiniz hər bir dərman immun prosesə mane ola bilər. Əslində yaxşı müalicə effekti əldə etmək üçün dərmanla deyil, bədənin öz mexanizmləri ilə işləməsinə imkan vermək vacibdir. Çünki koronavirus və digər infeksiyalar zamanı orqanizmin belə müdafiə mexanizmlərinə böyük ehtiyacı olur.
Kənardan bizim dediyimiz odur ki, qızdırmanın müalicəedici xüsusiyyətini nəzərə almaq lazımdır. Məcbur olmadıqca qızdırmanı salmağa çalışmaq düzgün deyil".
Onun sözlərinə görə, bəzi istisnalar ola bilər:
"Məsələn, elə uşaq var ki, artıq 37,5°C-də çox süstdür və narahatdır – bu halda müdaxilə etmək olar. Amma başqa bir uşaq ola bilər ki, 38°C temperaturla da aktivdir, qaçır, oynayır. Belə halda sadəcə yaxından izləmək, evi sərinləşdirmək, uşağın bədənini ilıq su ilə silmək, bədəni soyutmaq kifayətdir. Burada əsas göstərici uşağın ümumi vəziyyətidir. Ona diqqət etmək lazımdır. Qızdırmanı mütləq 36°C-yə endirməyə çalışmaq doğru deyil.
Amma nəzərə alın ki, bu qaydalar ilk 3 ayın körpələrinə aid deyil. İlk 3 ayda temperatur 37,3–37,4°C-dən yuxarı qalxarsa, mütləq həkimə müraciət etmək lazımdır. 37,8°C və yuxarı olduqda, heç vaxt evdə oturub gözləmək olmaz. Qızdırmalı uşağı mütləq həkim görməlidir. Həkim müayinəsindən sonra isə uşağın vəziyyətini 3 gün evdə izləmək olar. Əks halda, gözləmək bəzən ziyanlı ola və vəziyyətin ağırlaşmasına səbəb ola bilər".
Əfsanə Kamal
Demokrat.az
Bu sözləri Demokrat.az-a açıqlamasında tanınmış pediatr Günay Rəsulova deyib.
"Qızdırmanı dərhal 36°C-yə endirməyə çalışmaq düzgün deyil. Əgər temperatur 38,5°C-ə qalxıbsa və uşaq narahatdırsa, o zaman dərman vermək olar. Amma məsələn, bir saat keçib hələ də 37,5°C-dirsə və əlavə narahatlıq yoxdursa, dərman vermək düzgün deyil. Bu yanlışdır. Yəni 37,5–38°C aralığında uşaq çox süst, halsız deyilsə, müdaxilə etməyə ehtiyac yoxdur".
Pediatr deyib ki, mümkün qədər bədəni bu temperaturlarda saxlamaq lazımdır ki, immun antitellər yaransın:
"Sizin verdiyiniz hər bir dərman immun prosesə mane ola bilər. Əslində yaxşı müalicə effekti əldə etmək üçün dərmanla deyil, bədənin öz mexanizmləri ilə işləməsinə imkan vermək vacibdir. Çünki koronavirus və digər infeksiyalar zamanı orqanizmin belə müdafiə mexanizmlərinə böyük ehtiyacı olur.
Kənardan bizim dediyimiz odur ki, qızdırmanın müalicəedici xüsusiyyətini nəzərə almaq lazımdır. Məcbur olmadıqca qızdırmanı salmağa çalışmaq düzgün deyil".
Onun sözlərinə görə, bəzi istisnalar ola bilər:
"Məsələn, elə uşaq var ki, artıq 37,5°C-də çox süstdür və narahatdır – bu halda müdaxilə etmək olar. Amma başqa bir uşaq ola bilər ki, 38°C temperaturla da aktivdir, qaçır, oynayır. Belə halda sadəcə yaxından izləmək, evi sərinləşdirmək, uşağın bədənini ilıq su ilə silmək, bədəni soyutmaq kifayətdir. Burada əsas göstərici uşağın ümumi vəziyyətidir. Ona diqqət etmək lazımdır. Qızdırmanı mütləq 36°C-yə endirməyə çalışmaq doğru deyil.
Amma nəzərə alın ki, bu qaydalar ilk 3 ayın körpələrinə aid deyil. İlk 3 ayda temperatur 37,3–37,4°C-dən yuxarı qalxarsa, mütləq həkimə müraciət etmək lazımdır. 37,8°C və yuxarı olduqda, heç vaxt evdə oturub gözləmək olmaz. Qızdırmalı uşağı mütləq həkim görməlidir. Həkim müayinəsindən sonra isə uşağın vəziyyətini 3 gün evdə izləmək olar. Əks halda, gözləmək bəzən ziyanlı ola və vəziyyətin ağırlaşmasına səbəb ola bilər".
Əfsanə Kamal
Demokrat.az
