Müğənni Nigar Camal yay mövsümünə yeni kliplə start verib.
Demokrat.az Yenisabah.az- a istindən xəbər verir ki, ifaçının təqdim etdiyi mahnı “Axtarmasan” adlanır.
Sözləri Nazilə Səfərliyə, musiqisi isə Pərviz Hüseynə məxsusdur. Klip artıq müxtəlif platformalarda yayımlanıb.
Lakin mahnı sosial şəbəkə istifadəçiləri tərəfindən birmənalı qarşılanmayıb.
Bir çox izləyici həm musiqi, həm də sözlər baxımından mahnını tənqid atəşinə tutub. Sosial mediada səsləndirilən fikirlər arasında klipin mahnının məzmunu ilə uyğunluq təşkil etmədiyi də qeyd olunub.
Bəzi izləyicilər ifaya sərt yanaşaraq, “Şəbnəmə lağ edib, indi isə bu cür mahnı oxuyur”, “Söz yazdırmağa 5-10 minin yox idi?”, “Dünyanın ən pis musiqisi və sözləri” kimi fikirlər səsləndiriblər.
Qeyd edək ki, Nigar Camal son dövrlərdə təkcə musiqi fəaliyyəti ilə deyil, həm də sosial mediada aktivliyi ilə seçilir.
