Kütləvi informasiya vasitələrinin hakimiyyətin dördüncü qolu adlandırıldığı məlumdur. Bu ifadə jurnalistikanın daxili siyasətdə rolunu vurğulamaq üçün istifadə olunur. Ancaq müasir dövrdə beynəlxalq münasibətlər sistemində medianın siyasi hadisələrin gedişatına təsiri danılmazdır.
Bunun nəticəsidir ki, media diplomatiyası anlayışı meydana çıxıb. Bu termin dövlətlərin rəsmi diplomatik kanallardan əlavə olaraq, jurnalistlər vasitəsilə öz mövqelərini, siyasi baxışlarını və milli maraqlarını beynəlxalq ictimaiyyətə çatdırması kimi ifadə edilir.
Media diplomatiyasının Azərbaycan nümunəsi
Azərbaycan Prezidenti İlham Əliyevin xarici səfərlərində jurnalistlərin iştirakı sadəcə protokol elementi deyil, eyni zamanda informasiya diplomatiyasının strateji alətidir. Azərbaycan mediasının informasiya diplomatiyasında rolu Albaniyada keçirilən “Avropa Siyasi Birliyi”nin 7-ci Zirvə toplantısı çərçivəsində bir daha özünü göstərdi.
Təbii ki, Azərbaycan media nümayəndələrinin bu cür beynəlxalq tədbirdə Prezident İlham Əliyevi müşayiət etməsi yalnız xəbərləri dəqiq və operativ çatdırmaq məqsədi daşımırdı. Bu, həm də Azərbaycanın siyasi və diplomatik mövqeyinin, regional reallıqlara dair yanaşmasının beynəlxalq auditoriyaya birbaşa çatdırılması baxımından vacib idi.
Rəsmi qarşılama mərasimində diqqətçəkən məqamlar
Mayın 16-da “Avropa Siyasi Birliyi”nin 7-ci Zirvə toplantısında iştirak edən liderləri Albaniyanın Baş naziri Edi Rama qarşılayıb. Daha sonra isə bir sıra dövlət və hökumət başçıları jurnalistlərə yaxınlaşaraq onların suallarını cavablandırıblar. Bu məsələdə azərbaycanlı jurnalistlərin aktivliyi xüsusi ilə diqqət çəkib.
Belə ki, NATO-nun baş katibi Mark Rütte, Avropa Şurasının baş katibi Alen Berse, Avropa Komissiyasının prezidenti Ursula fon der Lyayen kimi nüfuzlu təsisatların liderləri, Türkiyə Prezidenti Rəcəb Tayyib Ərdoğan, Almaniya kansleri Fridrix Merts, Ukrayna Prezidenti Volodimir Zelenski Xorvatiyanın Baş naziri Andrey Plenkoviç, Finlandiyanın Baş naziri Petteri Orpo kimi dövlət və hökumət başçıları Azərbaycan mediasının suallarını cavablandırıblar.
Qeyd edilməsi vacib olan məqamlardan biri də Ermənistan Baş naziri Nikol Paşinyanın Azərbaycanın İctimai Televiziyasına verdiyi eksklüziv açıqlamadır. Xüsusilə diqqətçəkən isə jurnalistin müraciətindən sonra Paşinyanın geri qayıdaraq sualları cavablandırması oldu. Bu, təkcə Paşinyanın siyasi mövqeyini nümayiş etdirmədi, eyni zamanda Azərbaycan mediasının beynəlxalq nüfuzunu və peşəkarlığını da ortaya qoydu.
Jurnalistlərin diplomatiya cəbhəsində rolu
Prezident İlham Əliyevin xarici səfərlərində media nümayəndələrinin iştirakı həm informasiya təhlükəsizliyi, həm də milli mövqelərin beynəlxalq auditoriyaya çatdırılması baxımından əvəzsiz rola malikdir. Bu həm də bəzi xarici dairələrin informasiya manipulyasiyası və saxta məlumatlar tirajlamaq cəhdlərini də böyük ölçüdə əngəlləyir. Beləliklə, həm ölkə ictimaiyyəti məlumatlandırılır, həm də beynəlxalq informasiya mühitində Azərbaycanın mövqeyi dəqiqliklə təqdim olunur.
Digər tərəfdən, yerli media nümayəndələrinin bu cür nüfuzlu beynəlxalq toplantılarda iştirak etməsi onların xarici rəsmilər və jurnalistlərlə münasibətlərinin formalaşmasına imkan verir. Bu isə gələcək perspektivdə informasiya mübadiləsi və Azərbaycanın siyasi mövqeyinin daha geniş auditoriyaya çatdırılması üçün vacib məqamdır.
Yəni, Albaniyada keçirilən Zirvə toplantısında da jurnalistlərin iştirakı təkcə müxbirlik funksiyasından ibarət deyildi. Onlar həm də Azərbaycan diplomatiyasının informasiya qanadını təşkil edirdilər.
Mətbuatımızın yeni inormasiya düzənindəki funksiyası
Xüsusi ilə qeyd etməliyik ki, Qarabağ müharibəsi və post-münaqişə dövrünün informasiya savaşı müstəvisində media nümayəndələrinin beynəlxalq səfərlərdə iştirakı, dünya liderlərinin Azərbaycan mediasının suallarını cavablandırması həm də bölgədə yeni informasiya düzəninin formalaşdığını göstərir.
Yeni informasiya düzəni şəraitində isə medianın rolu təkcə xəbəri çatdırmaqla bitmir. Artıq mətbuatımız informasiya təhlükəsizliyinin təmin olunmasında, beynəlxalq miqyasda dezinformasiyanın qarşısının alınmasında və ictimai rəyin formalaşdırılmasında həlledici vasitəyə çevrilir...
Anar Tahirov, Bizim.Media informasiya portalının baş redaktoru
Bunun nəticəsidir ki, media diplomatiyası anlayışı meydana çıxıb. Bu termin dövlətlərin rəsmi diplomatik kanallardan əlavə olaraq, jurnalistlər vasitəsilə öz mövqelərini, siyasi baxışlarını və milli maraqlarını beynəlxalq ictimaiyyətə çatdırması kimi ifadə edilir.
Media diplomatiyasının Azərbaycan nümunəsi
Azərbaycan Prezidenti İlham Əliyevin xarici səfərlərində jurnalistlərin iştirakı sadəcə protokol elementi deyil, eyni zamanda informasiya diplomatiyasının strateji alətidir. Azərbaycan mediasının informasiya diplomatiyasında rolu Albaniyada keçirilən “Avropa Siyasi Birliyi”nin 7-ci Zirvə toplantısı çərçivəsində bir daha özünü göstərdi.
Təbii ki, Azərbaycan media nümayəndələrinin bu cür beynəlxalq tədbirdə Prezident İlham Əliyevi müşayiət etməsi yalnız xəbərləri dəqiq və operativ çatdırmaq məqsədi daşımırdı. Bu, həm də Azərbaycanın siyasi və diplomatik mövqeyinin, regional reallıqlara dair yanaşmasının beynəlxalq auditoriyaya birbaşa çatdırılması baxımından vacib idi.
Rəsmi qarşılama mərasimində diqqətçəkən məqamlar
Mayın 16-da “Avropa Siyasi Birliyi”nin 7-ci Zirvə toplantısında iştirak edən liderləri Albaniyanın Baş naziri Edi Rama qarşılayıb. Daha sonra isə bir sıra dövlət və hökumət başçıları jurnalistlərə yaxınlaşaraq onların suallarını cavablandırıblar. Bu məsələdə azərbaycanlı jurnalistlərin aktivliyi xüsusi ilə diqqət çəkib.
Belə ki, NATO-nun baş katibi Mark Rütte, Avropa Şurasının baş katibi Alen Berse, Avropa Komissiyasının prezidenti Ursula fon der Lyayen kimi nüfuzlu təsisatların liderləri, Türkiyə Prezidenti Rəcəb Tayyib Ərdoğan, Almaniya kansleri Fridrix Merts, Ukrayna Prezidenti Volodimir Zelenski Xorvatiyanın Baş naziri Andrey Plenkoviç, Finlandiyanın Baş naziri Petteri Orpo kimi dövlət və hökumət başçıları Azərbaycan mediasının suallarını cavablandırıblar.
Qeyd edilməsi vacib olan məqamlardan biri də Ermənistan Baş naziri Nikol Paşinyanın Azərbaycanın İctimai Televiziyasına verdiyi eksklüziv açıqlamadır. Xüsusilə diqqətçəkən isə jurnalistin müraciətindən sonra Paşinyanın geri qayıdaraq sualları cavablandırması oldu. Bu, təkcə Paşinyanın siyasi mövqeyini nümayiş etdirmədi, eyni zamanda Azərbaycan mediasının beynəlxalq nüfuzunu və peşəkarlığını da ortaya qoydu.
Jurnalistlərin diplomatiya cəbhəsində rolu
Prezident İlham Əliyevin xarici səfərlərində media nümayəndələrinin iştirakı həm informasiya təhlükəsizliyi, həm də milli mövqelərin beynəlxalq auditoriyaya çatdırılması baxımından əvəzsiz rola malikdir. Bu həm də bəzi xarici dairələrin informasiya manipulyasiyası və saxta məlumatlar tirajlamaq cəhdlərini də böyük ölçüdə əngəlləyir. Beləliklə, həm ölkə ictimaiyyəti məlumatlandırılır, həm də beynəlxalq informasiya mühitində Azərbaycanın mövqeyi dəqiqliklə təqdim olunur.
Digər tərəfdən, yerli media nümayəndələrinin bu cür nüfuzlu beynəlxalq toplantılarda iştirak etməsi onların xarici rəsmilər və jurnalistlərlə münasibətlərinin formalaşmasına imkan verir. Bu isə gələcək perspektivdə informasiya mübadiləsi və Azərbaycanın siyasi mövqeyinin daha geniş auditoriyaya çatdırılması üçün vacib məqamdır.
Yəni, Albaniyada keçirilən Zirvə toplantısında da jurnalistlərin iştirakı təkcə müxbirlik funksiyasından ibarət deyildi. Onlar həm də Azərbaycan diplomatiyasının informasiya qanadını təşkil edirdilər.
Mətbuatımızın yeni inormasiya düzənindəki funksiyası
Xüsusi ilə qeyd etməliyik ki, Qarabağ müharibəsi və post-münaqişə dövrünün informasiya savaşı müstəvisində media nümayəndələrinin beynəlxalq səfərlərdə iştirakı, dünya liderlərinin Azərbaycan mediasının suallarını cavablandırması həm də bölgədə yeni informasiya düzəninin formalaşdığını göstərir.
Yeni informasiya düzəni şəraitində isə medianın rolu təkcə xəbəri çatdırmaqla bitmir. Artıq mətbuatımız informasiya təhlükəsizliyinin təmin olunmasında, beynəlxalq miqyasda dezinformasiyanın qarşısının alınmasında və ictimai rəyin formalaşdırılmasında həlledici vasitəyə çevrilir...
Anar Tahirov, Bizim.Media informasiya portalının baş redaktoru
