Fransanın sabiq prezidenti Nikola Sarkozi nüfuz alveri və istintaqa təzyiq işi üzrə ev dustaqlığına məhkum olunmuşdu, lakin artıq elektron qolbaq taxmaq məcburiyyətindən azad edilib.
Bizim.Media xəbər verir ki, bu barədə AFP agentliyi Paris prokurorluğuna istinadən məlumat yayıb.
Qeyd olunur ki, hökm yalnız Fransa Kassasiya Məhkəməsinin 2024-cü ilin dekabrında çıxardığı qərardan sonra qüvvəyə minib. Sarkozi bir il azadlıqdan məhrum edilmişdi, lakin onun yaşını (70 yaş) nəzərə alan məhkəmə, keçmiş prezidentin erkən azadlığa buraxılması ilə bağlı müraciətini qəbul edib. Beləliklə, o, yalnız üç ay ev dustaqlığında qalıb və 7 fevral tarixindən etibarən taxdığı elektron izləmə qolbağı bu cümə axşamı çıxarılıb.
Xatırladaq ki, 2021-ci ildə Paris məhkəməsi Nikola Sarkozini korrupsiya və nüfuz alverində təqsirli bilmişdi. İstintaqın məlumatına görə, Sarkozi 2014-cü ildə vəkili Tyerri Erzog vasitəsilə Kassasiya Məhkəməsinin sabiq prokuroru Jilber Aziberdən gizli məlumat almağa çalışıb.
Sabiq prezidentin məqsədi 2007-ci il seçki kampaniyasının qanunsuz maliyyələşdirilməsi işində müsadirə edilmiş əmək qeydlərini geri almaq olub. Həmin kampaniyanın maliyyələşdirilməsində Fransanın məşhur L'Oréal kosmetika şirkətinin varisi Lilian Bettankurun da adı keçirdi.
2023-cü ilin mayında Paris Apellyasiya Məhkəməsi, 2021-ci ildə verilmiş bir il həbs və iki il şərti cəza hökmünü qüvvədə saxladı. Məhkəmə həmçinin Sarkozini üç il müddətinə seçkilərdə namizədliyini irəli sürmək hüququndan məhrum etdi. Hökmə əsasən, o, cəzasını ev şəraitində elektron qolbaqla çəkməli idi.
Qeyd edək ki, Sarkozinin prezidentlik müddəti 2012-ci ildə başa çatdıqdan sonra hüquq-mühafizə orqanları onun telefon danışıqlarını dinləməyə başlayıb. Şübhələrə görə, onun seçki kampaniyasını Liviya lideri Müəmmar Qəddafi maliyyələşdirə bilərdi. Bu dinləmələr nəticəsində istintaq orqanları Sarkozinin vəkili ilə danışıqlarına dair məlumat əldə edib. İstintaqın versiyasına görə, keçmiş prezident Aziberə Monakoda yüksək vəzifə vəd edib, əvəzində isə ondan istintaqa təsir göstərməsini istəyib.
Bizim.Media xəbər verir ki, bu barədə AFP agentliyi Paris prokurorluğuna istinadən məlumat yayıb.
Qeyd olunur ki, hökm yalnız Fransa Kassasiya Məhkəməsinin 2024-cü ilin dekabrında çıxardığı qərardan sonra qüvvəyə minib. Sarkozi bir il azadlıqdan məhrum edilmişdi, lakin onun yaşını (70 yaş) nəzərə alan məhkəmə, keçmiş prezidentin erkən azadlığa buraxılması ilə bağlı müraciətini qəbul edib. Beləliklə, o, yalnız üç ay ev dustaqlığında qalıb və 7 fevral tarixindən etibarən taxdığı elektron izləmə qolbağı bu cümə axşamı çıxarılıb.
Xatırladaq ki, 2021-ci ildə Paris məhkəməsi Nikola Sarkozini korrupsiya və nüfuz alverində təqsirli bilmişdi. İstintaqın məlumatına görə, Sarkozi 2014-cü ildə vəkili Tyerri Erzog vasitəsilə Kassasiya Məhkəməsinin sabiq prokuroru Jilber Aziberdən gizli məlumat almağa çalışıb.
Sabiq prezidentin məqsədi 2007-ci il seçki kampaniyasının qanunsuz maliyyələşdirilməsi işində müsadirə edilmiş əmək qeydlərini geri almaq olub. Həmin kampaniyanın maliyyələşdirilməsində Fransanın məşhur L'Oréal kosmetika şirkətinin varisi Lilian Bettankurun da adı keçirdi.
2023-cü ilin mayında Paris Apellyasiya Məhkəməsi, 2021-ci ildə verilmiş bir il həbs və iki il şərti cəza hökmünü qüvvədə saxladı. Məhkəmə həmçinin Sarkozini üç il müddətinə seçkilərdə namizədliyini irəli sürmək hüququndan məhrum etdi. Hökmə əsasən, o, cəzasını ev şəraitində elektron qolbaqla çəkməli idi.
Qeyd edək ki, Sarkozinin prezidentlik müddəti 2012-ci ildə başa çatdıqdan sonra hüquq-mühafizə orqanları onun telefon danışıqlarını dinləməyə başlayıb. Şübhələrə görə, onun seçki kampaniyasını Liviya lideri Müəmmar Qəddafi maliyyələşdirə bilərdi. Bu dinləmələr nəticəsində istintaq orqanları Sarkozinin vəkili ilə danışıqlarına dair məlumat əldə edib. İstintaqın versiyasına görə, keçmiş prezident Aziberə Monakoda yüksək vəzifə vəd edib, əvəzində isə ondan istintaqa təsir göstərməsini istəyib.
