Son dövrlərdə paytaxt Bakıda yerləşən bir sıra dövlət qrumlarının bölgələrə köçürülməsi ilə bağlı müxtəlif fikirlər səslənir. Ötən gün deputat Aqil Abbas KİV-ə açıqlamasında bu mövzuda fikirlərini bildirib və qeyd edib ki, Bakıdakı bir çox dövlət qurumları, xüsusilə nazirliklər bölgələrə köçürülməlidir.
Bəs, hansı dövlər qurumlarının bölgələrə köçürülməsi daha məqsədəuyğun olar?
Bununla bağlı Milli Məclisin deputatı Vüqar İsgəndərov Demokrat.az-a açıqlamasında bildirib ki, dünya sürətlə inkişaf edir:
“Bu da bir çox problemləri də özü ilə gətirir. Bu problemlər bu gün bütün dünyanın qarşısında duran ciddi çətinliklərdən biridir və onların hər biri cəmiyyətin həyatına birbaşa təsir göstərir. Azərbaycan da bu inkişafdan kənarda qalmayıb. Ölkəmiz sürətlə inkişaf edən dövlətlərdən biridir. Əhali sayı, xüsusilə də paytaxt Bakıda sürətlə artır. İnsanların həyat şəraiti yaxşılaşdıqca avtomobillərin, evlərin sayı və ümumilikdə yaşayışa, ərzağa, mənzillərə olan tələbat da artır. Bu kontekstdə son illərdə Bakı üçün problemli məsələlərdən biri də şəhərdə infrastrukturun bu sürətli artıma adekvat şəkildə inkişaf etməməsidir. Nəticədə nəqliyyat sıxlığı, kommunal xidmətlərdə yüklənmə və sosial obyektlərin çatışmazlığı kimi problemlər ortaya çıxır. Bu məsələlərin həlli üçün planlı şəhərsalma, alternativ yaşayış zonalarının inkişafı və sosial infrastrukturun gücləndirilməsi zəruri hala gəlib”.
Deputat diqqətə çatdırıb ki, son illərdə Bakı şəhərində nəqliyyat sıxlığı və tıxaclar ciddi şəkildə artıb:
“Bu problem, artan avtomobil sayı və əhalinin paytaxta axını ilə birbaşa əlaqəlidir. Nəticədə şəhərin mərkəzi hissələrində hərəkət etmək getdikcə çətinləşir və nəqliyyat infrastrukturu üzərinə böyük yük düşür. Müvafiq dövlət qurumları, bu problemi həll etmək məqsədilə müxtəlif tədbirlər görməkdədir. Ekspertlərin də tövsiyələri nəzərə alınmaqla ictimai nəqliyyatın rolu artırılmalı, xüsusilə metro və avtobus kimi nəqliyyat vasitələrinin sayının çoxaldılması və onların hərəkəti üçün xüsusi zolaqların yaradılması təmin olunmalıdır. Şəxsi avtomobillərin mərkəzə girişinin məhdudlaşdırılması da bu istiqamətdə atıla biləcək addımlardandır”.
Millət vəkili əlavə edib ki, şəhərin keçmiş planlaşdırılmasından qaynaqlanan bir sıra problemlər bu gün də özünü göstərməkdədir:
“Dövlət idarələrinin, universitetlərin, kolleclərin və orta məktəblərin əksəriyyəti şəhərin mərkəzində yerləşir. Bu qurumlar hər gün minlərlə insanın mərkəzə axınına səbəb olur və sıxlığı daha da artırır. Bəzi dövlət qurumları və təhsil müəssisələrinin şəhərdən kənara, ya da regionlara köçürülməsidir. Mən də bu mövzu ilə bağlı parlamentdə çıxış etmişəm və mətbuatda yazılarla çıxış etmişəm. Düşünürəm ki, bu məsələ mərhələli şəkildə həyata keçirilə bilər. Məsələn, hər bir neçə ildən bir bir universitet şəhərin kənarına, öz kampusu olan və müasir tələblərə cavab verən bir məkana köçürülə bilər. Beləliklə, həm şəhərdəki sıxlıq azalacaq, həm də regionların inkişafına töhfə veriləcək. Eyni yanaşma bəzi nazirliklər və dövlət qurumlarına da şamil oluna bilər. Bu cür islahatlar tədricən həyata keçirildikcə, həm şəhərin nəqliyyat problemi azalacaq, həm də vətəndaşların gündəlik həyat keyfiyyəti yaxşılaşacaq”.
Leyla Turan
Demokrat.az
Bəs, hansı dövlər qurumlarının bölgələrə köçürülməsi daha məqsədəuyğun olar?
Bununla bağlı Milli Məclisin deputatı Vüqar İsgəndərov Demokrat.az-a açıqlamasında bildirib ki, dünya sürətlə inkişaf edir:
“Bu da bir çox problemləri də özü ilə gətirir. Bu problemlər bu gün bütün dünyanın qarşısında duran ciddi çətinliklərdən biridir və onların hər biri cəmiyyətin həyatına birbaşa təsir göstərir. Azərbaycan da bu inkişafdan kənarda qalmayıb. Ölkəmiz sürətlə inkişaf edən dövlətlərdən biridir. Əhali sayı, xüsusilə də paytaxt Bakıda sürətlə artır. İnsanların həyat şəraiti yaxşılaşdıqca avtomobillərin, evlərin sayı və ümumilikdə yaşayışa, ərzağa, mənzillərə olan tələbat da artır. Bu kontekstdə son illərdə Bakı üçün problemli məsələlərdən biri də şəhərdə infrastrukturun bu sürətli artıma adekvat şəkildə inkişaf etməməsidir. Nəticədə nəqliyyat sıxlığı, kommunal xidmətlərdə yüklənmə və sosial obyektlərin çatışmazlığı kimi problemlər ortaya çıxır. Bu məsələlərin həlli üçün planlı şəhərsalma, alternativ yaşayış zonalarının inkişafı və sosial infrastrukturun gücləndirilməsi zəruri hala gəlib”.
Deputat diqqətə çatdırıb ki, son illərdə Bakı şəhərində nəqliyyat sıxlığı və tıxaclar ciddi şəkildə artıb:
“Bu problem, artan avtomobil sayı və əhalinin paytaxta axını ilə birbaşa əlaqəlidir. Nəticədə şəhərin mərkəzi hissələrində hərəkət etmək getdikcə çətinləşir və nəqliyyat infrastrukturu üzərinə böyük yük düşür. Müvafiq dövlət qurumları, bu problemi həll etmək məqsədilə müxtəlif tədbirlər görməkdədir. Ekspertlərin də tövsiyələri nəzərə alınmaqla ictimai nəqliyyatın rolu artırılmalı, xüsusilə metro və avtobus kimi nəqliyyat vasitələrinin sayının çoxaldılması və onların hərəkəti üçün xüsusi zolaqların yaradılması təmin olunmalıdır. Şəxsi avtomobillərin mərkəzə girişinin məhdudlaşdırılması da bu istiqamətdə atıla biləcək addımlardandır”.
Millət vəkili əlavə edib ki, şəhərin keçmiş planlaşdırılmasından qaynaqlanan bir sıra problemlər bu gün də özünü göstərməkdədir:
“Dövlət idarələrinin, universitetlərin, kolleclərin və orta məktəblərin əksəriyyəti şəhərin mərkəzində yerləşir. Bu qurumlar hər gün minlərlə insanın mərkəzə axınına səbəb olur və sıxlığı daha da artırır. Bəzi dövlət qurumları və təhsil müəssisələrinin şəhərdən kənara, ya da regionlara köçürülməsidir. Mən də bu mövzu ilə bağlı parlamentdə çıxış etmişəm və mətbuatda yazılarla çıxış etmişəm. Düşünürəm ki, bu məsələ mərhələli şəkildə həyata keçirilə bilər. Məsələn, hər bir neçə ildən bir bir universitet şəhərin kənarına, öz kampusu olan və müasir tələblərə cavab verən bir məkana köçürülə bilər. Beləliklə, həm şəhərdəki sıxlıq azalacaq, həm də regionların inkişafına töhfə veriləcək. Eyni yanaşma bəzi nazirliklər və dövlət qurumlarına da şamil oluna bilər. Bu cür islahatlar tədricən həyata keçirildikcə, həm şəhərin nəqliyyat problemi azalacaq, həm də vətəndaşların gündəlik həyat keyfiyyəti yaxşılaşacaq”.
Leyla Turan
Demokrat.az
