Almaniya Federativ Respublikasının Prezidenti Frank-Valter Ştaynmayerin Azərbaycana rəsmi səfəri iki ölkə arasında strateji əməkdaşlığın daha da möhkəmlənməsinə xidmət edir. Bu səfər Azərbaycan-Almaniya münasibətlərinin yeni mərhələyə qədəm qoymasına və ikitərəfli əməkdaşlığın müxtəlif sahələrdə genişlənməsi üçün yeni imkanların açılmasına mühüm töhfə verəcək.
Bu sözləri AZƏRTAC-a açıqlamasında "İslahatçı Gənclər" İctimai Birliyinin sədri, siyasi şərhçi Fərid Şahbazlı deyib.
Onun sözlərinə görə, səfər çərçivəsində keçirilən yüksək səviyyəli görüşlərdə siyasi dialoqun dərinləşdirilməsi, iqtisadi əlaqələrin genişləndirilməsi və enerji sahəsində strateji tərəfdaşlığın inkişafı əsas müzakirə mövzularından biri olub: "Xüsusilə, Almaniyanın Azərbaycanın enerji sektorunda aparıcı tərəfdaşlardan biri kimi çıxış etməsi və bərpaolunan enerji sahəsində əməkdaşlığın genişləndirilməsi istiqamətində atılacaq addımlar böyük əhəmiyyət daşıyır. Azərbaycan Avropanın enerji təhlükəsizliyində mühüm rol oynayır və bu baxımdan, Almaniya ilə enerji sahəsində əməkdaşlıq strateji xarakter daşıyır. Bu faktı Almaniya Prezidenti özü də təsdiq etdi və Rusiya qazı ilə bağlı problem yaranarkən Azərbaycana verdiyi dəstəyə görə təşəkkür etdi", - deyə o əlavə edib.
Fərid Şahbazlı bildirib ki, səfər zamanı Cənub Qaz Dəhlizi və bərpaolunan enerji layihələri çərçivəsində tərəflər arasında əməkdaşlığın dərinləşdirilməsi məsələləri müzakirə edilib. Həmçinin Almaniya şirkətlərinin Azərbaycanın yaşıl enerji və nəqliyyat sektoruna sərmayə yatırması üçün geniş imkanların olduğu vurğulanıb.
Bununla yanaşı, səfər çərçivəsində regional təhlükəsizlik, Ermənistan-Azərbaycan sülh prosesi və postmüharibə dövründə Qarabağın bərpası və yenidən qurulması kimi məsələlər müzakirə olunub: "Prezident İlham Əliyevin çıxışlarında vurğuladığı kimi, Azərbaycan müharibədən sonra sülh gündəliyini təşviq edir və regionda uzunmüddətli sabitliyin təmin olunması üçün fəal diplomatik addımlar atır. Bu məsələ Almaniya Prezidenti ilə görüşdə də ciddi müzakirə olundu. Dövlətimizin başçısı ölkəmizin mövqeyini ifadə edərək bildirdi ki, Azərbaycan qalib dövlət kimi sülhə hazırdır, lakin bu sülh ədalətli və beynəlxalq hüququn prinsiplərinə əsaslanmalıdır. Prezident İlham Əliyev real sülh üçün Ermənistanın atmalı olduğu addımları növbəti dəfə beynəlxalq ictimaiyyətin diqqətinə çatdırdı. Almaniya Prezidenti Frank-Valter Ştaynmayerin Qarabağın Azərbaycanın suveren ərazisi olması və rəsmi Berlinin buna dair mövqeyinin dəyişməz olduğunu ifadə etməsi isə Avropada ölkəmizə düşmən mövqedə olan dövlət və dairələrin planlarını növbəti dəfə suya düşürdü”, - deyə QHT sədri vurğulayıb.
Almaniyanın Avropa İttifaqının aparıcı ölkələrindən biri olduğunu qeyd edən siyasi şərhçi deyib: "Frank-Valter Ştaynmayerin Bakı səfəri və verdiyi mesajlar göstərir ki, Berlin Cənubi Qafqazda Azərbaycanın rolunu yüksək qiymətləndirir. Azərbaycan Avropanın enerji təhlükəsizliyində mühüm tərəfdaş kimi çıxış edir. Xüsusilə, Almaniyanın Rusiya enerjisindən asılılığını azaltmaq strategiyası fonunda Azərbaycanla əməkdaşlıq ön plana çıxır. Bu səfər Almaniya-Azərbaycan strateji dialoqunun daha da genişləndirilməsi, yeni diplomatik və iqtisadi əməkdaşlıq formatlarının yaradılması baxımından mühüm nəticələrə səbəb olacaq”.
Bu sözləri AZƏRTAC-a açıqlamasında "İslahatçı Gənclər" İctimai Birliyinin sədri, siyasi şərhçi Fərid Şahbazlı deyib.
Onun sözlərinə görə, səfər çərçivəsində keçirilən yüksək səviyyəli görüşlərdə siyasi dialoqun dərinləşdirilməsi, iqtisadi əlaqələrin genişləndirilməsi və enerji sahəsində strateji tərəfdaşlığın inkişafı əsas müzakirə mövzularından biri olub: "Xüsusilə, Almaniyanın Azərbaycanın enerji sektorunda aparıcı tərəfdaşlardan biri kimi çıxış etməsi və bərpaolunan enerji sahəsində əməkdaşlığın genişləndirilməsi istiqamətində atılacaq addımlar böyük əhəmiyyət daşıyır. Azərbaycan Avropanın enerji təhlükəsizliyində mühüm rol oynayır və bu baxımdan, Almaniya ilə enerji sahəsində əməkdaşlıq strateji xarakter daşıyır. Bu faktı Almaniya Prezidenti özü də təsdiq etdi və Rusiya qazı ilə bağlı problem yaranarkən Azərbaycana verdiyi dəstəyə görə təşəkkür etdi", - deyə o əlavə edib.
Fərid Şahbazlı bildirib ki, səfər zamanı Cənub Qaz Dəhlizi və bərpaolunan enerji layihələri çərçivəsində tərəflər arasında əməkdaşlığın dərinləşdirilməsi məsələləri müzakirə edilib. Həmçinin Almaniya şirkətlərinin Azərbaycanın yaşıl enerji və nəqliyyat sektoruna sərmayə yatırması üçün geniş imkanların olduğu vurğulanıb.
Bununla yanaşı, səfər çərçivəsində regional təhlükəsizlik, Ermənistan-Azərbaycan sülh prosesi və postmüharibə dövründə Qarabağın bərpası və yenidən qurulması kimi məsələlər müzakirə olunub: "Prezident İlham Əliyevin çıxışlarında vurğuladığı kimi, Azərbaycan müharibədən sonra sülh gündəliyini təşviq edir və regionda uzunmüddətli sabitliyin təmin olunması üçün fəal diplomatik addımlar atır. Bu məsələ Almaniya Prezidenti ilə görüşdə də ciddi müzakirə olundu. Dövlətimizin başçısı ölkəmizin mövqeyini ifadə edərək bildirdi ki, Azərbaycan qalib dövlət kimi sülhə hazırdır, lakin bu sülh ədalətli və beynəlxalq hüququn prinsiplərinə əsaslanmalıdır. Prezident İlham Əliyev real sülh üçün Ermənistanın atmalı olduğu addımları növbəti dəfə beynəlxalq ictimaiyyətin diqqətinə çatdırdı. Almaniya Prezidenti Frank-Valter Ştaynmayerin Qarabağın Azərbaycanın suveren ərazisi olması və rəsmi Berlinin buna dair mövqeyinin dəyişməz olduğunu ifadə etməsi isə Avropada ölkəmizə düşmən mövqedə olan dövlət və dairələrin planlarını növbəti dəfə suya düşürdü”, - deyə QHT sədri vurğulayıb.
Almaniyanın Avropa İttifaqının aparıcı ölkələrindən biri olduğunu qeyd edən siyasi şərhçi deyib: "Frank-Valter Ştaynmayerin Bakı səfəri və verdiyi mesajlar göstərir ki, Berlin Cənubi Qafqazda Azərbaycanın rolunu yüksək qiymətləndirir. Azərbaycan Avropanın enerji təhlükəsizliyində mühüm tərəfdaş kimi çıxış edir. Xüsusilə, Almaniyanın Rusiya enerjisindən asılılığını azaltmaq strategiyası fonunda Azərbaycanla əməkdaşlıq ön plana çıxır. Bu səfər Almaniya-Azərbaycan strateji dialoqunun daha da genişləndirilməsi, yeni diplomatik və iqtisadi əməkdaşlıq formatlarının yaradılması baxımından mühüm nəticələrə səbəb olacaq”.
