Bakıda kişi arvadına xəsarət yetirdi — TƏFƏRRÜAT

Bakının Nizami rayonunda ər arvadına xəsarət yetirib. 

Demokrat.az-ın əldə etdiyi məlumata görə, Ağsu rayon sakini, 1993-cü il təvəllüdlü İlkin şəxsi münasibətlər zəminində yaranan mübahisə zamanı həyat yoldaşı Nazənin (adlar şərtdir – red.) ilə mübahisə edib. 

Hadisə bu ilin yanvarın 10-da, saat 19 radələrində baş verib. İlkin yaşadığı evdə arvadı Nazənin ona digər qadınlarla telefonla yazışmasını irad bildirdikdən sonra aralarında ailə-məişət zəminində mübahisə yaranıb. 

Yaranmış mübahisə zamanı Nazənin onu nalayiq ifadələrlə təhqir etdikdən sonra qəsdən əli ilə bir neçə dəfə onun sifət və bədəninin digər nahiyələrinə vurub. Ona müxtəlif dərəcəli bədən xəsarətləri yetirib. 

Hadisəni törədən İlkinin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib. 

Cinayət işi üzrə təqsirləndirilən şəxs qismində ifadə verən İlkin ona elan olunmuş ittiham üzrə özünü təqsirli bilib. O, arvadından üzrxahlıq edib və onunla barışdığını deyib. 

Nizami Rayon Məhkəməsinin hökmü ilə təqsirləndirilən şəxsə cəza təyin olunmayıb. Buna səbəb təqsirləndirilən şəxsin zərərçəkmişlə barışması, zərərçəkmiş şəxsin ondan şikayətçi olmaması göstərilib. 

Məhkəmənin hökmü ilə İlkin Cinayət Məcəlləsinin 73.2-ci maddəsinə əsasən həmin məcəllənin 128-ci maddəsi ilə cinayət məsuliyyətindən azad edilib.
Onun barəsində olan cinayət işinin icraatına xitam verilib.

Fariz Məlikli
Demokrat.az