Şəki rayonunda 1988-ci il təvəllüdlü Cavid İsayev şəxsi münasibətlər zəminində yaranan mübahisə zamanı qohumu, 1982-ci il təvəllüdlü Asif Həşimovu qətlə yetirib.
Demokrat.az-ın əldə etdiyi məlumata görə, Cavid könüllü olaraq iştirakçısı olduğu Vətən müharibəsində (2-ci Qarabağ Müharibəsində) mərmi partlayışı nəticəsində aldığı kontuziya səbəbli düçar olduğu “Üzvi mənşəli şəxsiyyət pozuntusu” xəstəliyindən əziyyət çəkdiyinə görə öz hərəkətlərinin faktiki xarakterini və ictimai təhlükəliliyini dərk etmək, və onları idarə etmək iqtidarında olmayıb.
Cavid psixi pozuntu fonunda 26 oktyabr 2023-cü ildə, saat 15 radələrində düşdüyü situasiyanın təsiri altında bacısının əri Asif ilə onun yaşadığı Şəki rayonunun Aşağı Küngüt kəndində “Candarlı məhəlləsi” adlanan ərazidə yerləşən fərdi yaşayış evində olan zaman onun bacısına və övladlarına qeyri-etik hərəkətlər etdiyindən, bacısını ailədaxili münaqişələr zamanı tez-tez övladlarının gözü önündə təhqir edərək döydüyündən, o cümlədən həmin gün davam edən mübahisə zamanı onun və bacısının ünvanına çoxsaylı nalayiq ifadələr işlətdiyindən ondan özünün istifadəsində olan idarə etdiyi “VAZ 2107” markalı avtomobilə əyləşməsini tələb edib.
Bundan sonra Asif həmin avtomobilin ön sərnişin oturacağında əyləşib, Cavid isə qeyd olunan avtomobilin arxa tərəfində yük yerindən “Məhəmmədin dükanı” adlı mağazadan kababçı işlədiyi restoranda istifadə etmək məqsədilə aldığı bıçağı götürüb.
O, avtomobilin sürücü sükanı arxasında əyləşib və bıçağı sağ ayağının yan hissəsinə söykəməklə avtomobili idarə edərək həmin yaşayış evindən üzü aşağı kəndin çıxışı istiqamətində 30 metr aralaşdıqdan sonra avtomobili saxlayıb.
Asif Həşimovun yenidən onun və bacısının ünvanına nalayiq ifadələr işlətməsindən sonra onun psixi-emosional vəziyyətində qəzəb və emosional reaksiyalara meyllilik əmələ gəlməklə avtomobilində olan özünə məxsus bıçağı götürüb.
O, anlaqsız vəziyyətdə həmin bıçaqla avtomobilin sağ yan tərəfində əyləşmiş Asif Həşimova zərbələr yetirib. Asif aldığı zərbələrdən hadisə yerində ölüb.
Hadisəni törədən Cavidin barəsində Cinayət Məcəlləsinin 120.1-ci (qəsdən adam öldürmə) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Cavid özünü təqsirli bilib. O, ifadəsində göstərib ki, Asif ilə arasında tez-tez mübahisə olub:
“Asif məni və bacımı təhqir edib. 2020-ci ildə Vətən müharibəsində iştirak etmişəm. Həmin müharibədən sonra psixi xəstəliklərə düçar olmuşam, dərmanlarımı vaxtlı vaxtında qəbul etmədikdə psixi durumum kəskinləşib. Bakı şəhəri, Sabunçu rayonu, Bakıxanov qəsəbəsində yerləşən “Fidan” restoranında 3-4 gündən bir kababçı işləmişəm. İş olmadıqda Şəki şəhərinə qayıtmışam”.
Təqsirləndirilən şəxs qeyd edib ki, 26 oktyabr 2023-cü ildə, təxminən saat 14 radələrində arvadı, bacısı və bacısının əri Asif Həşimovla birlikdə sonuncunun Şəki rayonunun Aşağı Küngüt kəndində yerləşən yaşadığı fərdi yaşayış evində olublar:
“Bu zaman həmin kənddə yaşadığımız fərdi yaşayış evinin yaxınlığında olan özünə məxsus torpaq sahəsində ev tikərək oraya köçmələrini Asif Həşimova təklif etdik. Asif isə bunu qəbul etməyərək əvvəlcə ailəmin və mənim ünvanıma, daha sonra isə bacımın ünvanına nalayiq ifadələr işlətdi. Bu səbəbdən Asif Həşimova irad bildirdim. Bu zəmində aramızda mübahisə yarandı. Əvvəllər də Asif ilə aramızda qeyd olunan münasibətlər zəminində mübahisə yarandığından mən bu məsələni birdəfəlik həll etmək qərarına gəlmişəm. Bu məqsədlə Asif Həşimov evi tərk etdi.
Daha sonra özümə məxsus olan “VAZ 2107” markalı avtomobilin ön sol oturacağında, Asif Həşimov isə ön sağ oturacağında əyləşdi. Bu zaman kababçı işlədiyim restoranda istifadə etmək üçün Şəki şəhərində bazarda adını xatırlamadığım mağazadan aldığım, özümə məxsus olan avtomobilin yük yerinə qoyduğum bıçağı oradan götürərək yanımda saxladım. Həmin vaxt Asif Həşimov bunu görsə də, mənim və bacımın ünvanına nalayiq ifadələr işlətməyə davam etdi”.
Cavid bildirib ki, daha sonra avtomobilin mühərrikini işə salaraq avtomobili idarə edib:
“Həmin vaxt Asif Həşimova haqlı iradlarımı bildirməyimə baxmayaraq, sonuncu yenidən mənim və bacımın ünvanına nalayiq ifadələr işlətdiyi üçün Aşağı Küngüt kəndinin ərazisində sağ ayağımın yan tərəfinə qoyduğum bıçaqla onun şah damarına zərbə vurdum. Bu zaman Asif yalvarsa da, mən buna məhəl qoymayaraq onun ürək nahiyəsinə ikinci zərbəni endirdim. Bundan sonra avtomobili saxladım və avtomobildən düşərək Asif Həşimovun əyləşdiyi digər ön qapını açdıqda sonuncunun avtomobilin sürücü otağı tərəfə meyl edərək qaçmağa çalışdığını gördüm. Asifin ayaqlarından tutaraq özümə tərəf çəkdim və onun bud nahiyəsinə üçüncü zərbəni endirdim.
Həmin zərbələri endirmək də məqsədim Asif Həşimovu öldürmək olub. Bundan sonra avtomobili idarə edərək Şəki Rayon Mərkəzi Xəstəxanasına tərəf hərəkət etdim və hərəkətdə olan zaman Asif Həşimovun hərəkət etməməsinə əsasən onun öldüyünü düşündüm. Hərəkət edərək Şəki Rayon Mərkəzi Xəstəxanasına çatdım və xəstəxananın qarşısında avtomobilini saxladım. Asif Həşimovu avtomobildən düşürdüm, daha sonra isə həmin bölmədə qana bulaşmış əllərini yudum və geri qayıtdıqda adını bilmədiyim tibb işçiləri artıq Asif Həşimovun öldüyünü dedilər. Bundan sonra Şəki Şəhər-Rayon Polis Şöbəsinə gedərək təslim oldum”.
Bu cinayət işinə Şəki Ağır Cinayətlər Məhkəməsində baxılıb. Məhkəmənin hökmü ilə Cavid Cinayət Məcəlləsinin 120.1-ci maddəsi ilə nəzərdə tutulmuş və cinayət məsuliyyətinə səbəb olan əməli anlaqsız vəziyyətdə törətməsi sübuta yetirilmiş hesab olunub.
O, cinayət məsuliyyətindən və cəzadan azad edilib. Onun barəsində Cinayət Məcəlləsinin 95.0.3-cü maddəsinə uyğun olaraq, ixtisaslaşdırılmış psixiatriya stasionarında məcburi müalicə növündə tibbi xarakterli məcburi tədbir təyin edilib.
Qərarın icrası Azərbaycan Respublikası Səhiyyə Nazirliyinin 1 nömrəli Respublika Psixiatriya Xəstəxanasına tapşırılıb.
Fariz Məlikli
Demokrat.az
Demokrat.az-ın əldə etdiyi məlumata görə, Cavid könüllü olaraq iştirakçısı olduğu Vətən müharibəsində (2-ci Qarabağ Müharibəsində) mərmi partlayışı nəticəsində aldığı kontuziya səbəbli düçar olduğu “Üzvi mənşəli şəxsiyyət pozuntusu” xəstəliyindən əziyyət çəkdiyinə görə öz hərəkətlərinin faktiki xarakterini və ictimai təhlükəliliyini dərk etmək, və onları idarə etmək iqtidarında olmayıb.
Cavid psixi pozuntu fonunda 26 oktyabr 2023-cü ildə, saat 15 radələrində düşdüyü situasiyanın təsiri altında bacısının əri Asif ilə onun yaşadığı Şəki rayonunun Aşağı Küngüt kəndində “Candarlı məhəlləsi” adlanan ərazidə yerləşən fərdi yaşayış evində olan zaman onun bacısına və övladlarına qeyri-etik hərəkətlər etdiyindən, bacısını ailədaxili münaqişələr zamanı tez-tez övladlarının gözü önündə təhqir edərək döydüyündən, o cümlədən həmin gün davam edən mübahisə zamanı onun və bacısının ünvanına çoxsaylı nalayiq ifadələr işlətdiyindən ondan özünün istifadəsində olan idarə etdiyi “VAZ 2107” markalı avtomobilə əyləşməsini tələb edib.
Bundan sonra Asif həmin avtomobilin ön sərnişin oturacağında əyləşib, Cavid isə qeyd olunan avtomobilin arxa tərəfində yük yerindən “Məhəmmədin dükanı” adlı mağazadan kababçı işlədiyi restoranda istifadə etmək məqsədilə aldığı bıçağı götürüb.
O, avtomobilin sürücü sükanı arxasında əyləşib və bıçağı sağ ayağının yan hissəsinə söykəməklə avtomobili idarə edərək həmin yaşayış evindən üzü aşağı kəndin çıxışı istiqamətində 30 metr aralaşdıqdan sonra avtomobili saxlayıb.
Asif Həşimovun yenidən onun və bacısının ünvanına nalayiq ifadələr işlətməsindən sonra onun psixi-emosional vəziyyətində qəzəb və emosional reaksiyalara meyllilik əmələ gəlməklə avtomobilində olan özünə məxsus bıçağı götürüb.
O, anlaqsız vəziyyətdə həmin bıçaqla avtomobilin sağ yan tərəfində əyləşmiş Asif Həşimova zərbələr yetirib. Asif aldığı zərbələrdən hadisə yerində ölüb.
Hadisəni törədən Cavidin barəsində Cinayət Məcəlləsinin 120.1-ci (qəsdən adam öldürmə) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Cavid özünü təqsirli bilib. O, ifadəsində göstərib ki, Asif ilə arasında tez-tez mübahisə olub:
“Asif məni və bacımı təhqir edib. 2020-ci ildə Vətən müharibəsində iştirak etmişəm. Həmin müharibədən sonra psixi xəstəliklərə düçar olmuşam, dərmanlarımı vaxtlı vaxtında qəbul etmədikdə psixi durumum kəskinləşib. Bakı şəhəri, Sabunçu rayonu, Bakıxanov qəsəbəsində yerləşən “Fidan” restoranında 3-4 gündən bir kababçı işləmişəm. İş olmadıqda Şəki şəhərinə qayıtmışam”.
Təqsirləndirilən şəxs qeyd edib ki, 26 oktyabr 2023-cü ildə, təxminən saat 14 radələrində arvadı, bacısı və bacısının əri Asif Həşimovla birlikdə sonuncunun Şəki rayonunun Aşağı Küngüt kəndində yerləşən yaşadığı fərdi yaşayış evində olublar:
“Bu zaman həmin kənddə yaşadığımız fərdi yaşayış evinin yaxınlığında olan özünə məxsus torpaq sahəsində ev tikərək oraya köçmələrini Asif Həşimova təklif etdik. Asif isə bunu qəbul etməyərək əvvəlcə ailəmin və mənim ünvanıma, daha sonra isə bacımın ünvanına nalayiq ifadələr işlətdi. Bu səbəbdən Asif Həşimova irad bildirdim. Bu zəmində aramızda mübahisə yarandı. Əvvəllər də Asif ilə aramızda qeyd olunan münasibətlər zəminində mübahisə yarandığından mən bu məsələni birdəfəlik həll etmək qərarına gəlmişəm. Bu məqsədlə Asif Həşimov evi tərk etdi.
Daha sonra özümə məxsus olan “VAZ 2107” markalı avtomobilin ön sol oturacağında, Asif Həşimov isə ön sağ oturacağında əyləşdi. Bu zaman kababçı işlədiyim restoranda istifadə etmək üçün Şəki şəhərində bazarda adını xatırlamadığım mağazadan aldığım, özümə məxsus olan avtomobilin yük yerinə qoyduğum bıçağı oradan götürərək yanımda saxladım. Həmin vaxt Asif Həşimov bunu görsə də, mənim və bacımın ünvanına nalayiq ifadələr işlətməyə davam etdi”.
Cavid bildirib ki, daha sonra avtomobilin mühərrikini işə salaraq avtomobili idarə edib:
“Həmin vaxt Asif Həşimova haqlı iradlarımı bildirməyimə baxmayaraq, sonuncu yenidən mənim və bacımın ünvanına nalayiq ifadələr işlətdiyi üçün Aşağı Küngüt kəndinin ərazisində sağ ayağımın yan tərəfinə qoyduğum bıçaqla onun şah damarına zərbə vurdum. Bu zaman Asif yalvarsa da, mən buna məhəl qoymayaraq onun ürək nahiyəsinə ikinci zərbəni endirdim. Bundan sonra avtomobili saxladım və avtomobildən düşərək Asif Həşimovun əyləşdiyi digər ön qapını açdıqda sonuncunun avtomobilin sürücü otağı tərəfə meyl edərək qaçmağa çalışdığını gördüm. Asifin ayaqlarından tutaraq özümə tərəf çəkdim və onun bud nahiyəsinə üçüncü zərbəni endirdim.
Həmin zərbələri endirmək də məqsədim Asif Həşimovu öldürmək olub. Bundan sonra avtomobili idarə edərək Şəki Rayon Mərkəzi Xəstəxanasına tərəf hərəkət etdim və hərəkətdə olan zaman Asif Həşimovun hərəkət etməməsinə əsasən onun öldüyünü düşündüm. Hərəkət edərək Şəki Rayon Mərkəzi Xəstəxanasına çatdım və xəstəxananın qarşısında avtomobilini saxladım. Asif Həşimovu avtomobildən düşürdüm, daha sonra isə həmin bölmədə qana bulaşmış əllərini yudum və geri qayıtdıqda adını bilmədiyim tibb işçiləri artıq Asif Həşimovun öldüyünü dedilər. Bundan sonra Şəki Şəhər-Rayon Polis Şöbəsinə gedərək təslim oldum”.
Bu cinayət işinə Şəki Ağır Cinayətlər Məhkəməsində baxılıb. Məhkəmənin hökmü ilə Cavid Cinayət Məcəlləsinin 120.1-ci maddəsi ilə nəzərdə tutulmuş və cinayət məsuliyyətinə səbəb olan əməli anlaqsız vəziyyətdə törətməsi sübuta yetirilmiş hesab olunub.
O, cinayət məsuliyyətindən və cəzadan azad edilib. Onun barəsində Cinayət Məcəlləsinin 95.0.3-cü maddəsinə uyğun olaraq, ixtisaslaşdırılmış psixiatriya stasionarında məcburi müalicə növündə tibbi xarakterli məcburi tədbir təyin edilib.
Qərarın icrası Azərbaycan Respublikası Səhiyyə Nazirliyinin 1 nömrəli Respublika Psixiatriya Xəstəxanasına tapşırılıb.
Fariz Məlikli
Demokrat.az
