Alimlər plastiki əvəzləmək üçün banan qabığından istifadə etdilər

MARAQLI 20 fev 2024, 08:50
ABŞ-ın Cənubi Dakota Universitetinin tədqiqatçıları plastik qablaşdırma paketinin plyonkasını banan qabığı ilə əvəzləməyi təklif ediblər. Yeni material möhkəmliyinə görə plastikdən geri qalmır, üstəlik, torpaqda sürətlə çürüyür.

Demokrat.az xarici mətbuata istinadla xəbər verir ki, alimlər banan qabığından bioloji olaraq çürüməyə məruz qalan qablaşdırma paketi üçün lignosellüloz lifi almaq üçün üsul tapıblar. Dünyada istehsal və istehlak olunan böyük həcmdə bananın miqdarı nəzərə alınarsa, bu meyvədən alınan plyonka dünyada bütün plastiklərin 40 faizinə qədərini əvəz edə bilər.

Tədqiqatın müəllifləri bananın qabığını blenderdə əzərək, ondan lignoselülozu xaric etmək üçün xammalı kimyəvi şəkildə emal ediblər. Əldə olunan liflər ağardılıb, distillə edilib və əlavə kimyəvi emala məruz qalıb, bundan sonra yaranan materialdan sözügedən təbii plyonka hazırlanıb.

“Sustainable Chemistry and Pharmacy” nəşri yazır: “Alimlər banandan hazırlanan bu materialın möhkəmlik, şəffaflıq, sukeçiricilik və elastiklik baxımından plastikdən geri qalmadığını, ay ərzində torpaqda 90 faizinin çürüdüyünü bildiriblər”.

DİGƏR XƏBƏRLƏR

XƏBƏR LENTİ
Top