Bakı-Naxçıvan yolunun İran tərəfindən bağlanması yalandır — Növbəti erməni feykinin İFŞASI

SİYASƏT 20 dek 2022, 18:28
Bir sıra erməni KİV-də İranın artıq bir neçə gündür ki, İran ərazisindən keçən Bakı-Naxçıvan magistral yolunu bağladığı ilə bağlı iddialar yayılıb.

Məsələ ilə bağlı “Trend” İnformasiya Agentliyi aidiyyəti dövlət qurumları ilə əlaqə saxlayıb. Məlum olub ki, erməni KİV-də yayılan bu məlumatlar həqiqəti əks etdirmir.

Hazırda Naxçıvandan Bakıya və eləcə də əks istiqamətdə İran ərazisindən keçməklə yüklərin daşınması prosesi davam edir.

Qeyd edək ki, azərbaycanlı fəalların Laçın yolunda etiraz aksiyasına başlamasından sonra erməni sosial şəbəkə hesabları və KİV tirajladıqları yalan xəbərlərin sayını daha da artırıb. Ermənilər müxtəlif vaxtlar bu tipli feyk xəbərlər yaymaq həm daxili auditoriyanı, həm də beynəlxalq ictimaiyyəti yanıltmağa çalışırlar.

Xatırladaq ki, dekabrın 12-dən etibarən azərbaycanlı ekofəallar, ictimaiyyət nümayəndələri sülhməramlıların postu yaxınlığında etiraz aksiyası keçirirlər. Aksiyada etiraz edənlərin əsas tələbləri Rusiya sülhməramlılarının komandan Andrey Volkovun gəlməsi, azərbaycanlı mütəxəssislərin monitorinq aparılması üçün lazımi şərait yaradılması, ermənilərin Azərbaycan torpaqlarında ekoloji terrora son qoyulması, Ermənistanla sərhəddə Laçın istiqamətində ayrıca sərhəd və gömrük nəzarəti postlarının yaradılması, Azərbaycan ərazisinə qanunsuz silah daşınmasının qarşısının alınmasıdır.

DİGƏR XƏBƏRLƏR

XƏBƏR LENTİ
Top