“Qartal Zirvədə” filmi bu gün nümayiş olunacaq — VİDEO

SOSİAL 08 noy 2022, 14:09
Xəzər Media Mərkəzinin hazırladığı “Qartal zirvədə”sənədli filmi DTX-nin II Qarabağ müharibəsində və savaşdan sonra Ermənistan xüsusi xidmət orqanlarına, erməni terrorçularına qarşı mübarizəsini əks etdirir.

Demokrat.az xəbər verir ki, Vətən müharibəsi dönəmində Vətənə xəyanət ittihamı ilə həbs edilən Aydın Zəkiyevin etirafları, erməni separatçılarının Xankəndidə fəaliyyət göstərən qanunsuz “Qarabağ Telekom” mobil-rabitə provayderinin sıradan çıxarılması və Cəbrayılda 7 min nəfər Azərbaycan hərbçisinin mühasirədən xilas edilməsi ilk dəfə bu filmdə Azərbaycan ictimaiyyətinə təqdim olunur. 

Filmin çəkilişləri olayların yaşandığı hadisə yerlərində - Zəngilan,Xocavəndin Hadrut qəsəbəsi, bu rayonun Tuğ kəndi, Xocalının Fərrux dağ silsiləsi, Ağdamın Xaçınçay su anbarı, Kəlbəcərdə Dəlidağ yüksəkliyi, bu rayonun Yanşaq kəndi, Tovuzun Ağbulaq kəndi və Şuşa ərazilərində həyata keçirilib. “Qartal zirvədə” filminin prodüseri Xəzər Media Mərkəzinin Baş direktoru Murad Dadaşov, layihə rəhbəri İnqilab Məmmədov, müəllifi Rüstəm İbadov, quruluşçu rejissoru Elgün Bayramlı, rejissoru Aslan Qarayev, ssenari müəllifi Elnurə Nağıyeva, redaktoru Azər Teymurlu, montaj rejissoru Polad Elmanoğludur.Filmin hazırlanmasına 3 ay vaxt sərf olunub.

“Qartal Zirvədə” filmi bu gün saat 22:00-da “Xəzər” efirində nümayiş olunacaq. 
 

DİGƏR XƏBƏRLƏR

XƏBƏR LENTİ
06 dek 2022, 22:56
Top