Avtomobil dərəyə aşdı, ər-arvad xəsarət aldı

HADİSƏ 27 avq 2022, 23:46
Hacıqabulda baş verən yol qəzasında ər-arvad xəsarət alıb.

“Report”un Aran bürosunun məlumatına görə, hadisə axşam saatlarında rayonun Ağacanlı kəndində qeydə alınıb. Belə ki, “VAZ-2107” markalı avtomobil idarəetmədən çıxaraq yolun kənarındakı dərəyə aşıb.

Qəza nəticəsində kənd sakinləri, 1984-cü il təvəllüdlü Abdinov İlham İbad oğlu və həyat yoldaşı, 1986-cı il təvəllüdlü Abdinova Gülnar Əmirxan qızı müxtəlif dərəcəli xəsarətlər alıblar.

Yaralılar Şirvan Şəhər Mərkəzi Xəstəxanasına çatdırılıblar.

Faktla bağlı araşdırma aparılır.

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top