Əkrəm Həsənov: “Banklar vətəndaşa artıq borc yazırlar”

MALİYYƏ 04 avq 2022, 15:13
Bəzən elə hallar olur ki, şəxs ehtiyac anında bir neçə krediti rəsmiləşdirməklə çoxsaylı borc öhdəlikləri qarşısında çıxılmaz vəziyyətdə qalır. Nəticə etibarilə, o, kredit üzrə ödənişlər həyata keçirə bilmir. Belə bir vəziyyətdə bank borc götürənə ödənilməmiş kredit borcuna görə məsuliyyət daşıdığını xatırlatmaq üçün müxtəlif cərimə üsullarından istifadə etməyə başlayır. Bunlardan biri də vətəndaşların məhkəməyə verilməsidir. 

Bəs, kredit borcuna görə şəxs məhkəməyə verildikdə nə etməlidir?

Bank üzrə ekspert, hüquqşünas Əkrəm Həsənov Demokrat.az-a açıqlamasında bildirib ki, ümumiyyətlə, bu məsələlərdə məhkəmə vətəndaşların xeyrinə qərar çıxartmır. 

Onun sözlərinə görə, bir qayda olaraq vətəndaş məhkəmənin qərarı əsasında o borcu ödəməlidir:

“Hər bir halda borclu bilməlidir ki, krediti vaxtında vermirsə, ona həm faizlər, həm də cərimələr hesablanır. Əgər müqavilədə yoxdursa, o zaman onları ödəmir. Amma, müqavilədə adətən bunlar olur və banklar vətəndaşa cərimə yazır. Düzdür, məhkəmələr adətən cəriməni endirir. Əgər cərimə çox olarsa, vətəndaş məhkəmədən xahiş etsin ki, cərimənin həcmini endirsinlər. Həmçinin, məhkəmə hesablamaların ekspertizisiyasını keçirtsin. Çünki, adətən banklar vətəndaşa artıq borc yazırlar və ekspertiziya onu azaldır. Bunlar ümumi məsləhətlərdir. Çünki hər bir kreditin özünün təfərrüatları ola bilər. Borc varsa, onsuz da məhkəmə vətəndaşın xeyrinə qərar çıxarmayacaq. Bir qayda olaraq məhkəmə qərar verəcək ki, o borcu vətəndaş ödəməlidir. Amma, təbii vətəndaşın pulu yoxdursa, işi yoxdursa, o pulu ödəyə bilməyəcək, yaxud da ki, hissə-hissə ödəyəcək. Buna görə, ona heç nə edə bilməzlər. Amma, girovu varsa əmlaka yönəldilə bilər, zamini varsa birmənalı şəkildə zamindən pul tutula bilər”.

Aynurə Pənahqızı
Demokrat.az

 

DİGƏR XƏBƏRLƏR

XƏBƏR LENTİ
Top