Nabranda istirahət mərkəzində kütləvi ZƏHƏRLƏNMƏ — YENİLƏNİB

SOSİAL 20 iyl 2022, 13:05


Nabrandan qida zəhərlənməsi şübhəsi ilə təcili tibbi yardım vasitəsilə Xaçmaz Rayon Mərkəzi Xəstəxanasına saat 05:30 radələrində beş nəfər (3-ü uşaq, 2-si yeniyetmə olmaqla) gətirilib.

Demokrat.az xəbər verir ki, bu barədə TƏBİB-dən APA-nın sorğusuna cavab olaraq bildirilib. Qeyd edilib ki, onlara ilkin tibbi yardım göstərilib və evə buraxılıblar:

"11:20 radələrində isə daha beş nəfər (2-si yeniyetmə olmaqla) eyni diaqnozla təcili tibbi yardımla xəstəxanaya yerləşdirilib. Hazırda onlara zəruri tibbi xidmət göstərilir".


*** 12:34


Xaçmazda istirahət mərkəzində 5 nəfər zəhərlənib.

Demokrat.az APA-ya istinadla xəbər verir ki, Nabranda yerləşən "Məkan" istirahət mərkəzində yeməkdən sonra 5 nəfərin vəziyyəti pisləşib.

Onlar Xaçmaz Mərkəzi Rayon Xəstəxanasına yerləşdirilib.

İlkin ehtimala görə, onlar qidadan zəhərləniblər.

Fakt araşdırılır.

DİGƏR XƏBƏRLƏR

XƏBƏR LENTİ
Top