“Qondarma DXR və LXR-i tanımırıq” — Qazaxıstan prezidenti

DÜNYA 18 iyn 2022, 00:30
“Qazaxıstan qondarma “Donetsk və Luqansk Xalq Respublikaları”nı tanımayacaq”.

Bunu Qazaxıstan prezidenti Kasım-Jomart Tokayev Sankt-Peterburq Beynəlxalq İqtisadi Forumunda çıxışı zamanı deyib. 

"Aşağıdakıları qeyd etmək istərdim: müasir beynəlxalq hüquq BMT Nizamnaməsidir. Nizamnamədə təsbit olunmuş iki əsas prinsip indi bir-biri ilə ziddiyyət təşkil edir. Bu, ərazi bütövlüyü və öz müqəddəratını təyinetmə hüququdur. BMT-nin qurucu ataları bu anı nəzərə almadı, ola bilsin, bu, qəsdən kompromis kimi təqdim edilib. BMT Nizamnaməsinin xalqların öz müqəddəratını təyinetmə hüququ ilə bağlı prinsiplər rəhbər tutulsa, dünyada BMT-yə üzv olan 193 dövlət əvəzinə 500-600-dən çox dövlət peyda olacaq.

Əlbəttə, bu, xaos yaradacaq. Bu səbəbdən biz nə Tayvanı, nə Kosovonu, nə Cənubi Osetiyanı, nə də Abxaziyanı tanıyırıq. Görünür, bu prinsiplər kvazi-dövlət ərazilərinə də şamil olunacaq. Fikrimizcə, bu prinsiplər Luqansk və Donetskdir”, - Tokayev əlavə edib./qafqazinfo

DİGƏR XƏBƏRLƏR

XƏBƏR LENTİ
Top