Sumqayıtda ölüm hadisəsi baş verib.
Demokrat.az xəbər verir ki, bu gün səhər saatlarında şəhərin Sahil küçəsində dayanacaqda avtobus gözləyən şəhər sakini Rövşən Almuradlının qəflətən vəziyyəti pisləşib.
Əraziyə dərhal təcili tibbi yardım çağırılıb. Həminşəxs xəstəxanaya aparılarkən yolda dünyasını dəyişib. Mərhumun ölüm səbəbi bilinmir.
Onun meyiti müayinə üçün aidiyyatı üzrə təhvil verilib.
Qeyd edək ki, 1954-cü il təvəllüdlü Rövşən Almuradlı tanınmış rejissordur.(ONA)
