Yolu keçmək istədi, həyatından oldu

Tovuz rayonunda piyadanın ölümü ilə nəticələnən yol-nəqliyyat hadisəsi olub.

"Report"un Qərb bürosunun məlumatına görə, hadisə rayonun Əsrik Cırdaxan kəndində qeydə alınıb. Şəxsiyyəti hələ məlum olmayan sakin marşrut avtobusundan düşərək yolu qarşı tərəfə keçmək istəyən zaman avtomobil onu vurub.

Piyada aldığı ağır xəsarətlərdən hadisə yerində dünyasını dəyişib.

Onun şəxsiyyəti dəqiqləşdirilir.

Faktla bağlı araşdırmalara başlanılıb.

Demokrat.az