Azərbaycan Premyer Liqası dünyada 60-cı pillədə qərarlaşdı

Beynəlxalq Futbol Tarixi və Statistikaları Federasiyası (IFFHS) dünyanın ən yaxşı liqalarını açıqlayıb.

"Report" IFFHS-in rəsmi saytına istinadən xəbər verir ki, Azərbaycan Premyer Liqası 324 reytinq xalı ilə siyahıda 60-cı pillədə qərarlaşıb.

Braziliya A Seriyası 1406 xalla liderdir. İngiltərə Premyer Liqası (1204) ikinci, İtaliya A Seriyası isə (1060,5) üçüncü yerdədir. "5-liy"i İspaniya La Liqası (1028) və Fransa Liqa 1 (937) tamamlayıb.

Demokrat.az