Səhiyyə Naziri Oqtay Şirəliyev şöbə müdirini Respublika Sanitariya-Karantin Müfəttişliyinin (RSKM) rəisi vəzifəsinə təyin edib.
“MediaPost”un məlumatına görə, O.Şirəliyevin müvafiq əmri ilə Novruzi Saleh RSKM-nın rəisi vəzifəsinə təyin olunub. O buna qədər Respublika Sanitariya-Karantin Müfəttişliyinin (RSKM) Sanitariya-Gigiyena şöbəsinin müdiri vəzifəsində çalışıb.
Qeyd edək ki, nazir bir müddət əvvəl Respublika Sanitariya-Karantin Müfəttişliyinin (RSKM) sabiq rəisi Sara Həsənovu vəzifəsindən azad edərək, onu Səhiyyə Nazirliyi Respublika Gigiyena və Epidemiologiya Mərkəzinə direktor təyin edib.
Mərkəzin sabiq direktoru İmran Abdullayev quruma şöbə müdiri təyin olunub.
