Binəqədi mərkəzindən şəhərə, eləcə də Məhəmməd Əmin Rəsulzadə qəsəbəsi istiqamətinə gedən sürücülər üçün əsas arteriya hesab olunan Binəqədi şosesində məhdudiyyət tətbiq olunacaq. Bu səbəbdən həmin marşrut üzrə hərəkət edənlər alternativ yollara yönəlməlidirlər.
Binəqədi mərkəzdən Rəsulzadəyə keçmək üçün istifadə olunacaq əsas alternativ marşrutlar bunlardır:
İlk rahat marşrut birbaşa Xırdalan yolu ilə 20 yanvar istiqamətinə çıxmaqdır.
Digər yol isə Binəqədi mərkəzindən Biləcəri qəsəbəsi daxilindən keçən daxili küçələrdir.
Bundan başqa, Zəngəzur küçəsinə paralel olan daxili məhəlləarası yollar da qısa məsafələr üçün köməyə çatacaq.
Qeyd edək ki, şosedə hərəkət tam məhdudlaşdırıldıqda bütün nəqliyyat axını daxili küçələrə yönələcək. Pik saatlarda bu alternativ yollarda da sıxlıq qaçılmaz olacaq. Sürücülər sıxlıq səbəbindən adi vaxtla müqayisədə əlavə 25-40 dəqiqə vaxt itirə bilərlər. Yollarda vaxt itkisini azaltmaq üçün səfərləri əvvəlcədən planlaşdırmaq məqsədəuyğundur.
