Qaradağ rayonunda məktəb direktorunun avtomobilinə qəsdən od vurulması faktı üzrə cinayət işi başlanılıb. Baş verən olaya görə əvvəllər məhkum olunmuş Fuad İbrahimov rəsmi şəkildə şübhəli şəxs qismində tanınıb.
Daxili İşlər Nazirliyinin Mətbuat Xidmətindən verilən məlumata görə, oktyabrın 12-də məktəb rəhbərinə məxsus "Kia" markalı avtomobilin yandırılması ilə bağlı keçirilən operativ tədbirlər nəticəsində təqsirləndirilən şəxs saxlanılıb. F.İbrahimov barəsində Cinayət Məcəlləsinin müvafiq maddəsi ilə cinayət işi qaldırılıb və həbs qətimkan tədbiri seçilib.
Hazırda istintaq orqanları tərəfindən faktla bağlı araştırma davam etdirilir.
