Ləzzətli banan pankekləri hazırlamaq üçün çox banandan istifadə etməyə ehtiyac yoxdur.
Əsas şərt inqrediyentlərin düzgün nisbətdə istifadə edilməsidir. Yetişmiş banan pankeklərə təbii şirinlik və xoş ətir verir, ayran isə onların daha yumşaq və yüngül alınmasına kömək edir. Xəmiri bişirməzdən əvvəl qısa müddət dincə qoymaq da teksturanı yaxşılaşdırır.
Bu resept xüsusi üsullar və ya əlavə avadanlıq tələb etmir. Bir neçə sadə addım və yapışmayan tava kifayətdir.
Hazırlanması
Yaş inqrediyentləri hazırlayın
Kərə yağını əridin və ilıqlaşana qədər soyudun. Kərə yağı çox isti olarsa, yumurtanın bişməsinə səbəb ola bilər.
Yetişmiş bananı çəngəllə yaxşıca əzin. Üzərinə yumurta, ayran, əridilmiş kərə yağı və vanil ekstraktını əlavə edib yaxşıca qarışdırın.
Quru inqrediyentləri hazırlayın
Unu, şəkəri, qabartma tozunu, darçını və duzu bir qaba ələyin, sonra yaxşıca qarışdırın. Bu, xəmirin daha hamar olmasına və pankeklərin daha yumşaq alınmasına kömək edir.
Xəmiri hazırlayın
Yaş qarışığı quru inqrediyentlərin üzərinə əlavə edin və yalnız un görünməyənə qədər qarışdırın.
Xəmiri həddindən artıq qarışdırmayın. Kiçik topacıqların qalması normaldır.
Hazır xəmiri 10 dəqiqə dincə qoyun.
Pankekləri bişirin
Yapışmayan tavanı orta odda qızdırın və az miqdarda kərə yağı əlavə edin.
Hər pankek üçün tavaya təxminən ⅓ stəkan xəmir tökün.
Səthində xırda qabarcıqlar əmələ gəldikdə və kənarları bərkiməyə başladıqda, təxminən 2 dəqiqə sonra pancake-ni çevirin.
Digər üzünü də 1–2 dəqiqə, qızılı rəng alana qədər bişirin.
Pankek yüngül toxunduqda əvvəlki formasını bərpa edirsə, hazır hesab olunur.
Jalə Demokrat.az
