Məşhur ekran işlərindən tanınan gənc aktrisa Ece İrtem qəfil dünyasını dəyişib.
Demokrat.az xəbər verir ki, "Kızılcık şerbeti" serialındakı İşıl rolu ilə tamaşaçıların rəğbətini qazanan sənətçinin ölüm xəbərini hüquq müdafiəçisi Uğur Gökkoyun açıqlayıb.
Vəkilin sözlərinə görə, hadisə günorta saatlarında, aktrisa doğma evində anası ilə birlikdə olarkən qeydə alınıb. İlkin tibbi rəydə ölümün infarkt səbəbindən baş verdiyi ehtimal olunur. Hazırda faktla bağlı rəsmi araşdırma aparılır və dəqiq səbəblər ekspertizanın yekun hesabatından sonra aydınlaşacaq.
Kədərli məqamlardan biri də budur ki, Ece İrtem ölümündən cəmi bir gün əvvəl, iyunun 14-də 35 yaşını qeyd etmişdi.
Demokrat.az
