Aşpazlar şorbanın daha yaxşı alınması üçün sadə üsul açıqlayıblar. Onların sözlərinə görə, az miqdarda soda bir sıra problemləri aradan qaldıra bilər.
Demokrat.az xəbər verir ki, evdə hazırlanan şorbaların konsistensiyası hər zaman istənilən kimi olmur.
Bəzən şorba qatılaşır və ya rəngi dəyişir. Həzm zamanı narahatlıq yaratması da mümkündür.
Mətbəx ustaları bu halların qarşısını almaq üçün sodadan istifadə etməyi məsləhət görürlər.
Onların sözlərinə görə, qaynama mərhələsində əlavə edilən az miqdarda soda faydalı ola bilər.
Soda xüsusilə paxlalı məhsullarla hazırlanan şorbalarda istifadə olunur.
Qırmızı mərcimək, yaşıl mərcimək və noxudlu yeməklərdə bu üsulun daha çox tətbiq edildiyi bildirilir.
Mütəxəssislər qeyd edirlər ki, soda qaz əmələgəlməni azalda bilər.
Bu maddə bəzi birləşmələrin parçalanmasına kömək edir. Nəticədə köp və şişkinlik riski azalır.
Sodanın başqa təsiri bişmə prosesinə aiddir. O, mühitin qələviliyini artırır.
Bu isə məhsulların daha tez yumşalmasına kömək edə bilər.
Nəticədə şorba daha hamar konsistensiya ala bilər.
Həmçinin oxu: Beş dəqiqəyə hazırlanan 'Snickers' içkisi Qayğanağı daha dadlı etmək hiyləsi Dəmlənərkən edilən bu səhv çayın dadını korlayırAşpazların sözlərinə görə, soda rəngin qorunmasına da təsir göstərir.
Bu xüsusilə mərcimək və tərəvəz şorbalarında nəzərə çarpır.
Lakin soda istifadə edilərkən miqdara diqqət yetirmək vacibdir.
Az həcmdə hazırlanan şorba üçün çox kiçik miqdar kifayət edir.
Böyük qazanlarda isə ən çox bir çay qaşığı istifadə olunması tövsiyə edilir.
Həddindən artıq soda yeməyin dadına mənfi təsir göstərə bilər.
Aytən Demokrat.az
