Bir çox insanlar üçün adi tosterdə çörək qızartmaq artıq keçmişin vərdişinə çevrilir. Müasir ev sahibləri bu cihazı getdikcə daha çox mətbəxlərin arxa rəflərinə qoyur və ya ümumiyyətlə istifadədən çıxarırlar.
Demokrat.az xəbər verir ki, bu barədə “Newsweek.ro” yazır.
Məqalədə qeyd olunur ki, bu gün tostlərin əsas “düşməni” mətbəx səthində boş yer çatışmazlığıdır. Açıq planlı müasir mənzillərdə çoxsaylı məişət cihazları saxlamaq artıq səliqəsizlik kimi qəbul edilir. Bunun əvəzinə “bir cihaz üç funksiyanı yerinə yetirir” yanaşması yayılır. Yalnız çörək qızartmaq üçün ayrıca cihaz saxlamaq əvəzinə, indi rostor sobaları və aerofritözlər daha çox seçilir. Bu cihazlar təkcə qızartmır, həm də bişirir, qızdırır və tam yeməklər hazırlayır, eyni yer tutumunda daha çox funksionallıq təqdim edir.
Məlumata görə, klassik tostler keyfiyyət baxımından da rəqabətdə geri qalır. Rostor sobaları yuxarı və aşağı qızdırıcı elementlər sayəsində daha bərabər qızartma təmin edir. Üstəlik, şüşə qapaq vasitəsilə qızartma dərəcəsini izləmək mümkündür. Aerofritözlər isə isti havanın sürətli dövranı sayəsində az və ya heç yağ istifadə etmədən xırtıldayan nəticə əldə etməyə imkan verir.
Qeyd olunur ki, dizayn mətbəxlərindən “sıxışdırılsa” da, tostler bazarı hələ də tam olaraq yox olmayıb. 2025-ci il üçün qlobal bazarın dəyəri təxminən 4,27 milyard dollar səviyyəsində qiymətləndirilir. Lakin interyer dizaynı və məkan optimallaşdırması üzrə mütəxəssislər hesab edir ki, dar ixtisaslı cihazların müasir mətbəxdə yerini əsaslandırmaq getdikcə çətinləşir.
Mətbəx dizaynında estetiklik, funksionallıq və effektivlik ön plana çıxır. Klassik tostler yaxın zamanda tamamilə yox olmasa da, artıq “səhər yeməyinin kralı” statusunu itirib.
Jalə Demokrat.az
