Bel ağrısı müasir dövrdə ən çox rast gəlinən sağlamlıq problemlərindən biridir. Ən çox da oturaq iş rejimi olanlar tez-tez bu haldan şikayətlənir.
Əksər hallarda sadə səbəblərdən yaransa da, bəzi vəziyyətlərdə ciddi xəstəliklərin əlaməti ola bilər. Bu səbəbdən bel ağrısını düzgün qiymətləndirmək və vaxtında tədbir görmək vacibdir.
Bel ağrısı müxtəlif səbəblərdən yarana bilər. Ən çox rast gəlinən səbəblər bunlardır:
Əzələ gərginliyi və dartılması – ağır yük qaldırmaq və ya ani hərəkətlər nəticəsində Disk yırtığı (protruziya) – fəqərələrarası diskin sinirlərə təzyiq etməsi Onurğa oynaqlarının problemləri – iltihab və ya aşınma Yanlış duruş və oturaq həyat tərzi – uzun müddət hərəkətsizlik Aşağıdakı əlamətlərlə müşayiət olunan bel ağrısı təhlükəli ola bilər: Ağrının qəfil və çox şiddətli başlaması Ağrının ayaqlara yayılması, keyimə və ya zəiflik Sidik və ya nəcis saxlamaqda çətinlik Yüksək hərarət və səbəbsiz çəki itkisi Travmadan sonra yaranan ağrı Bu simptomlar olduqda mütləq həkimə müraciət edilməlidir. Bel ağrısının səbəbini müəyyən etmək üçün həkim fiziki müayinə aparmalı, xəstənin tibbi tarixçəsini öyrənir. Lazım gəldikdə rentgen, MRT və ya KT müayinələri təyin edir. Dəqiq diaqnoz düzgün müalicənin əsasını təşkil edir. Müalicə ağrının səbəbindən asılı olaraq dəyişir: Dərman müalicəsi (ağrıkəsicilər, iltihabəleyhinə preparatlar) Fizioterapiya və müalicəvi məşqlər Masaj və manual terapiya Ağır hallarda cərrahi müdaxilə Bel ağrısının qarşısını almaq üçün sadə qaydalara əməl etmək kifayətdir: Düzgün duruşa diqqət edin Ağır əşyaları düzgün qaldırın Uzun müddət oturarkən fasilələr verin Daimi fiziki aktiv olun Rahat yataq və ortopedik döşəkdən istifadə edin
Bel ağrısı hər zaman təhlükəli olmasa da, bəzi hallarda ciddi sağlamlıq problemlərinin göstəricisi ola bilər. Ağrını görməzdən gəlmək əvəzinə, səbəbini araşdırmaq və vaxtında müalicə almaq gələcək fəsadların qarşısını ala bilər.(axsam.az)
Demokrat.az
