"Qarabağ"ın futbolçusu Mahir Emreli "Düdelanj"la matçda baş vermiş erməni təxribatına münasibətini bildirib.
Demokrat.az xəbər verir ki, Ağdam klubunun hücumçusu özünün "Instagram" hesabında hadisə ilə bağlı paylaşım edib. O, görüşdən çəkilmiş fotosuna "Mövzu Vətəndirsə, gerisi təfərrüatdır. "Qarabağ" - Azərbaycandır" yazıb.
Xatırladaq ki, "Qarabağ" Avropa Liqasının qrup mərhələsi çərçivəsində səfərdə "Düdelanj" üzərində 4:1 hesabı inamlı qələbə qazanmışdı.