Bakı-Şamaxı yolunun Abşeron rayonundan keçən hissəsində 555 nömrəli marşrut avtobusu qəzaya düşüb.
“Report” xəbər verir ki,sürücü Adil Rzayev həmin ərazidə sərnişin düşürmək istəyib. Daha sonra isə yol buzlu olduğu üçün avtobus yolun kənarına çırpılıb.
Hadisə yerinə dərhal Baş Dövlət Yol Polisi İdarəsi alayının üçüncü tağımının əməkdaşları cəlb olunublar.
Sərnişinlər digər avtobusla yola salınıblar. Sonra Adil Rzayevə məxsus avtobusun hərəkəti bərpa edilib.
