Goranboy rayonunda qəbiristanlıqda silahlı insident törətməkdə təqsirli bilinən Qədir Şirinzadənin cinayət işi üzrə ibtidai istintaq başa çatıb.
Demokrat.az-ın xəbərinə görə, cinayət işi baxılması üçün Goranboy rayon Məhkəməsinə göndərilib.
İş araşdırılması üçün hakim Taleh Mustafayevin icraatına verilib.
Məhkəmənin hazırlıq iclası avqustun 16-na təyin olunub.
İttihama görə, hadisə Goranboy rayonunun Rəhimli kənd qəbiristanlığında baş verib.
Əvvəllər məhkum olunmuş Qədir Şirinzadə sərxoş vəziyyətdə mərhum atasının qəbir daşının vaxtında düzəlmədiyini əsas gətirərək qəbiristanlığa gəlib. Orada 2 dəfə havaya 2 dəfə isə qəbir daşları düzəldən şəxsin minik avtomobilinə atəş açıb.
Qədir Şirinzadə maddi sübutla birlikdə saxlanılaraq istintaqa təhvil verilib.
Onun barəsində Cinayət Məcəlləsinin 221.3-cü (xuliqanlıq) maddəsi ilə ittiham elan edilib.
Cinayət işi üzrə Vasif Fərhadlı zərərçəkmiş qismində tanınıb.
Fariz Məlikli Demokrat.az
