Gədəbəy rayonunda həyat yoldaşını qətlə yetirməkdə ittiham olunan Elməddin Abdullayevin cinayət işi üzrə ibtidai istintaq başa çatıb.
Demokrat.az-ın xəbərinə görə, cinayət işi baxılması üçün Gəncə Ağır Cinayətlər Məhkəməsinə göndərilib.
İş araşdırılması üçün hakim Roman Ələkbərlinin icraatına verilib.
Məhkəmənin hazırlıq iclası iyunun 16-na təyin edilib.
Qeyd edək ki, hadisə Gədəbəy rayonun Şəkərbəy kəndində baş verib.
Kənd sakini, 1990-cı il təvəllüdlü Könül Eyvaz qızı Abdullayeva boyun nahiyəsindən balta ilə aldığı xəsarətdən hadisə yerində dünyasını dəyişib.
Onun ölümünə səbəb olmaqda şübhəli bilinən həyat yoldaşı - 1990-cı il təvəllüdlü Elməddin Mayor oğlu Abdullayev saxlanılıb.
Elməddin Abdullayeva qarşı Cinayət Məcəlləsinin 120.2.4-cü (xüsusi amansızlıqla və ya təhlükəli üsulla adam öldürmə) maddəsi ilə ittiham elan edilib.
Fariz Məlikli Demokrat.az
