Dövlət Sərhəd Xidmətinin İstintaq İdarəsinin sabiq müstəntiqi, kapitan Nicat Acalovun cinayət işi üzrə məhkəmənin hazırlıq iclasının vaxtı məlum olub.
Demokrat.az-ın əldə etdiyi məlumata görə, cinayət işi baxılması üçün Bakı Hərbi Məhkəməsinə göndərilib.
İş araşdırılması üçün hakim Aslan Kalbaliyevin icraatına verilib.
Məhkəmənin hazırlıq iclası fevralın 27-ə təyin olunub.
İttihama görə, Nicat Acalov narkotik alverinə görə həbs olunmuş Faiq Məmmədovun ailəsindən onu azadlığa buraxdırmaq vədi ilə 25 min manat pul alıb.
Onun barəsində Cinayət Məcəlləsinin 311.3.3-cü (külli miqdarda rüşvət alma) maddəsi ittiham elan edilib.
Fariz Məlikli Demokrat.az
