“Yerli ermənilər Vardanyanı qəbul etmədilər” — ŞƏRH

"Yarım il ərzində Ruben Vardanyan Qarabağda Rusiyanın işinə yaraya bilmədi".

Bu fikirləri Demokrat.az-a açıqlamasında politoloq İlqar Vəlizadə deyib. Politoloq qeyd edib ki, əksinə, bu müddət ərzində bölgədə vəziyyəti daha gərginləşdirdi:

"Ümumiyyətlə, Vardanyanın gəlişiylə rus sülhməramlılarının müvəqqəti yerləşdikləri ərazilərdəki durum mürəkkəbləşdi və onların imici korlandı. Vardanyanın gəlişi ilə separatçı rejim daxilində də parçalanma yarandı. Çünki Vardanyanla Araik Arutyunyan arasında çəkişmə vardı və yerli ermənilər də Vardanyanı qəbul etmədilər.

Hesab edirəm ki, Xankəndi-Şuşa yolunda davam edən etiraz aksiyası, bu fonda Laçın yoluna nəzarətin təmin edilməsi və Azərbaycanın tələbləri də Vardanyanın qərarına təsir göstərə bilərdi".

Nəzrin Demokrat.az