Əgər Ukrayna NATO-ya daxil olarsa və Krımı qaytarmağa çalışarsa, o zamanIII Dünya Müharibəsi başlaya bilər.
Bunu “Arqumentı i faktı” qəzetinə müsahibəsində Rusiya Federasiyası Təhlükəsizlik Şurasının sədr müavini Dmitri Medvedev deyib.
Onun sözlərinə görə, İsveç və Finlandiyanın NATO-ya daxil olması Rusiyanı heç nə ilə təhdid etmir, lakin Ukraynanın guya Alyansa qoşulması “daha təhlükəli bir miqyasdır”.
"Bizim üçün Krım Rusiyanın bir hissəsidir. Bu isə əbədidir. Krıma təcavüz etmək üçün istənilən cəhd ölkəmizə müharibə elanıdır. Əgər NATO-nun bir hissəsi olan ölkə bunu edirsə, bu, bütün Şimalı Atlantik Alyansı ilə münaqişədir və III Dünya müharibəsidir” – Medvedev bildirib.
Qeyd edək ki, Ukrayna prezidentinin Krım Muxtar Respublikasındakı daimi nümayəndəsi Tamila Taşeva bildirib ki, hazırda müvəqqəti olaraq Rusiyanın işğalı altında olan Krımın geri qaytarılması hərbi yolla mümkündür.(visiontv.az)
Demokrat.az
